മൈസൂരുവിൽ മലയാളി യുവതി ബൈക്കപകടത്തിൽ മരിച്ചു; ഒപ്പമുണ്ടായിരുന്ന യുവാവിന് പരുക്ക്

ബെംഗളൂരു: മൈസൂരുവിൽ മലയാളി യുവതി ബൈക്കപകടത്തിൽ മരിച്ചു. ഒപ്പമുണ്ടായിരുന്ന യുവാവിന് പരുക്കേറ്റു. എരുമേലി സൗത്ത് എരുത്വാപ്പുഴ കളത്തൂർ ബിജു- സുനിത ദമ്പതികളുടെ ഏക മകൾ കാർത്തിക ബിജു (25) ആണ് മരിച്ചത്. പാലക്കാട് ഒറ്റപ്പാലം മാങ്കോട് തൃക്കടേരി ചാമണ്ണൂർ ഗോപാലകൃഷ്ണന്റെ മകൻ ജി. ഗിരിശങ്കർ തരകൻ (26) ആണ് പരുക്കേറ്റത്. ​ഗിരിശങ്കറാണ് ബൈക്കോടിച്ചിരുന്നത്.

ഇന്നലെ ഉച്ചയ്ക്ക് മൈസൂരു–നഞ്ചൻഗുഡ് ദേശീയപാതയിലായിരുന്നു അപകടം. ബെംഗളൂരുവിൽ സ്വകാര്യ കമ്പനിയിൽ ജോലി ചെയ്യുകയായിരുന്നു കാർത്തിക. അവധിക്ക് നാട്ടിലേക്ക് വരാനിരിക്കെയാണ് ദുരന്തം.