ബെം​ഗളൂരുവിലെ കടയിൽ നിന്ന് മോഷണം പോയത് 25 ലക്ഷം രൂപയുടെ ഫോണുകൾ

ബെം​ഗളൂരു: ബെം​ഗളൂരുവിലെ മൊബൈൽ കടയിൽ ലക്ഷങ്ങളുടെ മോഷണം. ബൊമ്മന​ഹള്ളിയിലെ കടയിൽ നിന്ന് മോഷണം പോയത് 25 ലക്ഷം രൂപയുടെ മൊബൈൽ ഫോണുകൾ. കടയിലെ സിസിടിവി കാമറയിൽ ന​ഗ്നനായി നിൽക്കുന്ന പ്രതിയുടെ ദൃശ്യങ്ങൾ പതിഞ്ഞിട്ടുണ്ട്. കടയുടെ ഭിത്തി പൊളിച്ചാണ് മോഷ്ടാവ് കടയ്‌ക്കകത്ത് കയറിയത്. 25 ലക്ഷം രൂപ വിലമതിക്കുന്ന വിവിധ ബ്രാൻഡുകളിലുള്ള 85 മൊബൈൽ ഫോണുകളാണ് നഷ്ടമായത്.

സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിൽ പൊലീസ് പ്രതിയെ കണ്ടെത്തി കസ്റ്റഡിയിലെടുത്തിട്ടുണ്ട്. പ്രതിക്ക് മാനസിക പ്രശ്നങ്ങളുണ്ടോ എന്ന കാര്യം പൊലീസ് അന്വേഷിച്ചുവരികയാണ്.