പൊലീസ് ഓഫീസറെ വീടിനുള്ളിൽ മരിച്ച നിലയിൽ കണ്ടെത്തി

കോട്ടയം : സിവിൽ പോലീസ് ഓഫീസറെ വീടിനുള്ളിൽ തൂങ്ങി മരിച്ചനിലയിൽ കണ്ടെത്തി. തൃപ്പുണിത്തുറ പൊലീസ് ക്യാമ്പിലെ പോലീസ് ഓഫീസറായ ഇത്തിപ്പുഴ കുറ്റിവേലിയിൽ രതീഷ് (42) കിടപ്പുമുറിയിൽ ആത്മഹത്യ ചെയ്‌തത്‌.

ചൊവ്വാഴ്ച ഉച്ചകഴിഞ്ഞ് 3.30 ഓടെയായിരുന്നു സംഭവം ഉണ്ടായത്.ഭാര്യ അടുക്കളയിൽ ജോലി ചെയ്യുകയായിരുന്നു. തിരിച്ചുമുറിയിൽ എത്തിയപ്പോഴാണ് രതീഷിനെ തൂങ്ങിയ നിലയിൽ കണ്ടത്. തുടർന്ന് സ്ഥലത്തെത്തിയ പൊലീസ് മൃതദേഹം വൈക്കം താലൂക്ക് ആശുപത്രിയിലേക്ക് മാറ്റി. പൊലീസ് ഉദ്യോഗസ്ഥന്റെ മരണ കാരണം വ്യക്തമല്ല.