പഴയങ്ങാടി പുലിമുട്ടിനു സമീപം മൃതദേഹം കണ്ടെത്തി

കണ്ണൂർ: പഴയങ്ങാടി മാട്ടൂൽ സൗത്ത് പുലിമുട്ടിന് സമീപം ഒരു പുരുഷന്റെ മൃതദേഹം കണ്ടെത്തി. കഴിഞ്ഞ ദിവസം വളപട്ടണം പുഴയിൽ ചാടിയ യുവാവിന്റെ മൃതശരീരമാണ് ഇതെന്നാണ് പ്രാഥമിക നിഗമനം. കാസർകോട് ബേക്കൽ പെരിയാട്ടടുക്കം സ്വദേശി രാജുവിന്റെ (രാജേഷ് –39) മൃതദേഹമാണോ ഇതെന്ന് തിരിച്ചറിയുന്നതിനായി ബന്ധുക്കളോട് എത്തിച്ചേരാൻ പോലീസ് അറിയിച്ചു. സംഭവസ്ഥലത്ത് പഴയങ്ങാടി പോലീസ് എത്തിച്ചേരുകയും മൃതദേഹം നീക്കാനുള്ള നടപടികൾ ആരംഭിക്കുകയും ചെയ്തിട്ടുണ്ട്.