കോഴിക്കോട് രാത്രിയിൽ ഉറങ്ങാൻ കിടന്ന പതിനേഴുകാരനെ കാണാനില്ലെന്ന് പരാതി

കോഴിക്കോട്: രാത്രിയിൽ ഉറങ്ങാൻ കിടന്ന പതിനേഴുകാരനെ കാണാനില്ലെന്ന് പരാതി. വടകര തിരുവള്ളൂർ ചാനിയം കടവ് സ്വദേശി ചെറുവോട്ട് മീത്തൽ പ്ലസ് ടു വിദ്യാർത്ഥിയായ അദിഷ് കൃഷ്ണയെയാണ് കാണാതായത്. കഴിഞ്ഞ ദിവസം രാത്രി മുതലാണ് ആദിഷിനെ കാണാതായത്. ഇതുസംബന്ധിച്ച് രക്ഷിതാക്കൾ വടകര പൊലീസിൽ പരാതി നൽകി.

രാത്രി എല്ലാവരും ഉറങ്ങിയതിന് ശേഷം അദിഷ് വീട്ടിൽ നിന്നും പോയിരിക്കാമെന്നാണ് ബന്ധുക്കൾ പറയുന്നത്. അദിഷിന്റെ മൊബൈൽ ഫോൺ സ്വിച്ച്ഡ് ഓഫ് ചെയ്ത നിലയിലാണ്. കുട്ടിയെ കുറിച്ച് എന്തെങ്കിലും വിവരം ലഭിക്കുന്നവർ വടകര പൊലീസ് സ്‌റ്റേഷനിലോ 9207603743, 9495337703 നമ്പറുകളിലോ അറിയിക്കണമെന്ന് ഉദ്യോഗസ്ഥർ അറിയിച്ചു. സംഭവത്തിൽ പൊലീസ് അന്വേഷണം തുടങ്ങി.