ഐഫോൺ പ്രേമികൾക്ക് സന്തോഷവാർത്ത; ഐഫോണ്‍ 16 മോഡലുകളുടെ വില കുറഞ്ഞു

ഇന്ത്യയില്‍ ഐഫോണ്‍ 16 മോഡലുകളുടെ വില കുത്തനെ കുറഞ്ഞു.ഐഫോണ്‍ 17 സീരീസ് സ്‌മാര്‍ട്ട്‌ഫോണുകള്‍ പുറത്തിറങ്ങിയതോടെയാണ് ഐഫോണ്‍ 16 മോഡലുകളുടെ വിലയിൽ വൻ ഉണ്ടായിരിക്കുന്നത്.ഐഫോണ്‍ 16, ഐഫോണ്‍ 16 പ്ലസ് എന്നിവയുടെ വിലയാണ് വലിയ തോതില്‍ കുറഞ്ഞിരിക്കുന്നത്. ആപ്പിള്‍ ഇന്ത്യയുടെ ഔദ്യോഗിക വെബ്‌സൈറ്റില്‍ നല്‍കിയിരിക്കുന്ന പുതുക്കിയ വില പരിശോധിക്കാം. ഐഫോണ്‍ 16, ഐഫോണ്‍ 16 പ്ലസ് എന്നീ രണ്ട് മോഡലുകള്‍ക്കും 10,000 രൂപ ഇന്‍സ്റ്റന്‍റ് ഡിസ്‌കൗണ്ട് ആപ്പിള്‍ ഇപ്പോള്‍ നല്‍കുന്നു.

ആപ്പിള്‍ ഇന്ത്യയുടെ വെബ്‌സൈറ്റ് പ്രകാരം ഐഫോണ്‍ 16 സ്റ്റാന്‍ഡേര്‍ഡ് മോഡലിന്‍റെ പുതിയ വില 128 ജിബി വേരിയന്‍റിന് 69,900 രൂപയാണ്. നേരത്തെ 79,900 രൂപയായിരുന്നു ഐഫോണ്‍ 16ന്‍റെ ആരംഭ വില. അതേസമയം കൂടുതല്‍ വലിയ ഡിസ്‌പ്ലെയും ബാറ്ററിയും ഫീച്ചറുകളുമുള്ള ഐഫോണ്‍ 16 പ്ലസ് നിലവില്‍ 79,900 രൂപയ്‌ക്ക് ലഭ്യമാണ്. 89,900 രൂപയില്‍ നിന്നാണ് പതിനായിരം രൂപയുടെ വിലക്കുറവ് ഇപ്പോള്‍ വന്നിരിക്കുന്നത്. കൂടുതല്‍ പേരിലേക്ക് ഐഫോണുകള്‍ എത്തിക്കുക ലക്ഷ്യമിട്ടാണ് ആപ്പിള്‍ പഴയ മോഡലുകളുടെ വില കുറയ്‌ക്കുന്നത്. പുതിയ ഐഫോണുകള്‍ എത്തുന്നതോടെ പഴയ ചില മോഡലുകള്‍ വിപണിയില്‍ നിന്ന് പിന്‍വലിക്കുന്ന പതിവും ആപ്പിളിനുണ്ട്.