ഏഴ് ലക്ഷം രൂപയിൽ താഴെ വില; വിൽപ്പനയിൽ കുതിച്ച് മാരുതി സുസുക്കി ഡിസയർ !

കഴിഞ്ഞ മാസം രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന കാറായി മാരുതി സുസുക്കി ഡിസയർ മാറിയിരുന്നു. ഇതിൽ നിന്ന് അതിന്റെ ജനപ്രീതി മനസിലാക്കാം. കഴിഞ്ഞ മാസം ഇന്ത്യൻ വിപണിയിൽ ആകെ 20,895 മാരുതി സുസുക്കി ഡിസയറാണ് വിറ്റത്. ഇതിനുപുറമെ, കുറച്ചുകാലമായി രാജ്യത്ത് ഏറ്റവുമധികം വിറ്റഴിക്കപ്പെടുന്ന സെഡാൻ കാറും മാരുതി ഡിസയറാണ്.

ഡിസൈൻ

മാരുതി സുസുക്കി ഡിസയറിൽ ഉപഭോക്താക്കൾക്ക് ഒരു വലിയ ഫ്രണ്ട് ഗ്രിൽ, സ്ലീക്ക് എൽഇഡി ഡിആർഎൽ, എൽഇഡി ടെയിൽ ലാമ്പ്, പുതിയ 15 ഇഞ്ച് ഡ്യുവൽ ടോൺ അലോയ് വീലുകൾ എന്നിവ ലഭിക്കുന്നു.

പവർട്രെയിൻ

പവർട്രെയിനിനെക്കുറിച്ച് പറയുകയാണെങ്കിൽ, മാരുതി സുസുക്കി ഡിസയറിന് 1.2 ലിറ്റർ 3 സിലിണ്ടർ പെട്രോൾ എഞ്ചിനാണുള്ളത്, ഇത് പരമാവധി 81.58 bhp കരുത്തും 111.7 Nm പീക്ക് ടോർക്കും ഉത്പാദിപ്പിക്കാൻ പ്രാപ്‍തമാണ്.

ഫീച്ചറുകൾ

9 ഇഞ്ച് ടച്ച്‌സ്‌ക്രീൻ, വയർലെസ് ഫോൺ ചാർജർ, ക്രൂയിസ് കൺട്രോൾ തുടങ്ങിയ സവിശേഷതകൾ കാറിൽ നൽകിയിട്ടുണ്ട്. സിംഗിൾ-പാൻ സൺറൂഫുള്ള ഇന്ത്യയിലെ ആദ്യത്തെ സബ്-കോംപാക്റ്റ് സെഡാനാണ് ഡിസയർ

5-സ്റ്റാർ സുരക്ഷ

സുരക്ഷയുടെ കാര്യം നോക്കുകയാണെങ്കിൽ, സുരക്ഷയ്ക്കുള്ള ക്രാഷ് ടെസ്റ്റിൽ ഗ്ലോബൽ NCAP മാരുതി ഡിസയറിന് പൂർണ്ണ 5-സ്റ്റാർ റേറ്റിംഗ് നൽകി. ഇതിനുപുറമെ, 6-എയർബാഗുകൾ, ഇലക്ട്രോണിക് സ്റ്റെബിലിറ്റി കൺട്രോൾ തുടങ്ങിയ സവിശേഷതകളും മാരുതി ഡിസയറിൽ നൽകിയിട്ടുണ്ട്.