എംഡിഎംഎ തൂക്കി വിറ്റ കേസിൽ പിടിയിലായി, തെളിവെടുപ്പിനിടെ കടന്നു കളഞ്ഞു; ഒളിവിലായിരുന്ന പ്രതി പിടിയിൽ

തൃശ്ശൂർ: എംഡിഎംഎ തൂക്കി വിറ്റ കേസിൽ അറസ്റ്റിലായ ശേഷം പോലീസിനെ കബളിപ്പിച്ച് കടന്നുകളഞ്ഞ പ്രതി പിടിയിൽ. തൃശൂർ മനക്കൊടി സ്വദേശി ആൽവിൻ (21) ആണ് അറസ്റ്റിലായത്. മലപ്പുറം പൊന്നാനിയിൽ ഒളിവിൽ കഴിഞ്ഞിരുന്ന പ്രതിയെയാണ് പോലീസ് പിടികൂടിയത്. ഇയാൾ ഒളിവിൽ കഴിഞ്ഞിരുന്ന സ്ഥലം വളഞ്ഞാണ് പോലീസ് പ്രതിയെ കീഴടക്കിയത്.

എംഡിഎംഎ വിൽപ്പനയുമായി ബന്ധപ്പെട്ട കേസിൽ കർണാടക, തമിഴ്നാട് അതിർത്തിയിൽ വെച്ചായിരുന്നു യുവാവ് ആദ്യം പിടിയിലായത്. പിന്നീട് തെളിവെടുപ്പിനിടെ ഇയാൾ പോലീസിനെ കബളിപ്പിച്ച് മുങ്ങുകയായിരുന്നു. നെടുപുഴയിലെ വാടക വീട്ടിൽ എംഡിഎംഎ തൂക്കിവിറ്റ കേസിലെ പ്രതിയാണ് പിടിയിലായ ആൽവിൻ.