ആലക്കോട് ഗ്രാമപഞ്ചായത്തിൽ ഓണക്കനി

ഓണക്കാലം ലക്ഷ്യമിട്ട് വിഷരഹിത പച്ചക്കറി കൃഷിയുമായി ആലക്കോട് ഗ്രാമപഞ്ചായത്ത്. കുടുംബശ്രീയുടെ നേതൃത്വത്തിൽ ഓണക്കനി എന്ന പേരിൽ ആരംഭിച്ച പദ്ധതിയുടെ ഭാഗമായി തൈ നടീൽ ആലക്കോട് ഗ്രാമപഞ്ചായത്ത് പ്രസിഡൻ്റ് ജാൻസി മാത്യു ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് ബൈജു ജോർജ്ജ് അധ്യക്ഷത വഹിച്ചു.

ഓണത്തിന് കുറഞ്ഞ വിലയിൽ വിഷരഹിത പച്ചക്കറികൾ ലഭ്യമാക്കുകയാണ് പദ്ധതിയുടെ ലക്ഷ്യം. പഞ്ചായത്തിലെ വിവിധ വാർഡുകളിലേക്ക് കുടുംബശ്രീ സിഡിഎസ് മുഖേന തൈകൾ വിതരണം ചെയ്ത് കൃഷി ചെയ്യും. കൃഷിഭവൻ മുഖേന വിവിധ തരം പച്ചക്കറിത്തൈകളായ വെണ്ട, ചീര, പയർ തുടങ്ങിയവ നടീലിനായി നൽകിയത്.