ലോകത്തെ മികച്ച അന്താരാഷ്ട്ര വിമാനത്താവളങ്ങളുടെ പട്ടികയിൽ ഇടം നേടി മുംബൈ ഛത്രപതി ശിവാജി മഹാരാജ് അന്താരാഷ്ട്ര വിമാനത്താവളം

ട്രാവൽ ലീഷർ വേൾഡ്സ് ബെസ്റ്റ് അവാർഡ്സ് 2025ൽ ലോകത്തിലെ ഏറ്റവും മികച്ച 10 അന്താരാഷ്ട്ര വിമാനത്താവളങ്ങളിൽ ഒന്നായി മുംബൈയിലെ ഛത്രപതി ശിവാജി മഹാരാജ് അന്താരാഷ്ട്ര വിമാനത്താവളം (C.S.M.I.A) തെരഞ്ഞെടുക്കപ്പെട്ടു. 84.23 റീഡർ സ്‌കോറുമായി, തുടർച്ചയായ മൂന്നാം വർഷവും പട്ടികയിൽ ഇടം നേടുന്ന ഏക ഇന്ത്യൻ വിമാനത്താവളമാണ്. റാങ്കിങ്ങിൽ മുംബൈ വിമാനത്താവളം ഒമ്പതാം സ്ഥാനത്താണ്.

ഈ വർഷത്തെ റാങ്കിങിൽ ഏഷ്യയിലെയും മിഡിൽ ഈസ്റ്റിലെയും വിമാനത്താവളങ്ങളാണ് വീണ്ടും ആധിപത്യം സ്ഥാപിച്ചത്. 98.57 റീഡർ സ്‌കോറുമായി തുർക്കിയിലെ ഇസ്താംബുൾ വിമാനത്താവളം ഒന്നാം സ്ഥാനം നിലനിർത്തി. തുടർന്ന് സിംഗപ്പൂരിലെ ചാങി വിമാനത്താവളവും ഖത്തറിലെ ദോഹയിലെ ഹമദ് അന്താരാഷ്ട്ര വിമാനത്താവളവും ഇടം പിടിച്ചു.