ലോകത്തിലെ ഏറ്റവും മികച്ച മൂന്ന് സമ്പദ് വ്യവസ്ഥകളിൽ ഒന്നായി മാറാനാണ് ഭാരതം ശ്രമിക്കുന്നത്;പ്രധാനമന്ത്രി

ലോകത്തിലെ മൂന്നാമത്തെ സാമ്പത്തിക ശക്തിയായി മാറുന്നതിനുള്ള യാത്രയിലാണ് ഭാരതം. 2014-ൽ അഞ്ച് ന​ഗരങ്ങളിൽ മാത്രമുണ്ടായിരുന്ന മെട്രോ ഇപ്പോൾ 24 ഇടങ്ങളിലുണ്ട്. 2014-ന് മുമ്പ് 20,000 കിലോമീറ്റർ റെയിൽപാതയാണ് വൈദ്യുതീകരിച്ചിരുന്നത്. എന്നാൽ കഴിഞ്ഞ 11 വർഷത്തിനിടെ 40,000 കിലോമീറ്റർ റെയിൽപാത വൈദ്യുതീകരിച്ചു.74 വിമാനത്താവളങ്ങൾ മാത്രമുണ്ടായിരുന്ന ഇന്ത്യയിൽ ഇന്ന് 160 വിമാനത്താവളങ്ങളുണ്ട്. വലിയ മാറ്റങ്ങൾ ഉള്ളത് ദേശീയ ജലപാതകളുടെ എണ്ണത്തിലാണ്. മൂന്ന് ജലപാതകൾ പ്രവർത്തിച്ചിരുന്ന രാജ്യത്ത് ഇന്ന് 30 എണ്ണമുണ്ടെന്നും പ്രധാനമന്ത്രി പറഞ്ഞു.