റയിൽവെയുടെ പരിഷ്കാരം യാത്രക്കാർക്ക് സമ്മാനിക്കുക നരകയാത്ര

തിരുവനന്തപുരം: തെക്കൻ ജില്ലകളിൽ നിന്നും കോട്ടയം വഴി എറണാകുളം ഭാ​ഗത്തേക്ക് ജോലിക്ക് പോകാനായി ട്രെയിനെ ആശ്രയിക്കുന്നവർക്ക് വരുന്നത് മുട്ടൻ പണി. തിരുവനന്തപുരത്ത് നിന്ന് സെക്കന്ദരാബാദ് വരെ പോകുന്ന ശബരി എക്സ്പ്രസിന്റെ സമയവും സ്റ്റേഷനുമെല്ലാം മാറുന്നതോടെ തെക്കൻ ജില്ലകളിൽ നിന്നുള്ള സ്ഥിരം ട്രെയിൻ യാത്രക്കാരെ കാത്തിരിക്കുന്നത് നരകയാത്രയാണ്. സൗത്ത് സെൻട്രൽ റെയിൽവേ പുറപ്പെടുവിച്ച നിർദ്ദേശത്തിന് അംഗീകാരം ലഭിച്ചാൽ ശബരി എക്സ്പ്രസിന്റെ സമയക്രമത്തിലും സ്റ്റോപ്പുകളിലും ഉൾപ്പെടെ മാറ്റമുണ്ടാകും.