തേഞ്ഞിപ്പാലം പോക്സോ കേസിൽ ഇരയായ പെൺകുട്ടിയുടെ അമ്മയും അനുജനും തെരുവിലേക്ക്

കോഴിക്കോട്: പീഡനത്തിനിരയായതിനെത്തുടർന്ന് ആത്മഹത്യ ചെയ്ത പെൺകുട്ടിയുടെ അമ്മയും അനുജനും തെരുവിൽ. തേഞ്ഞിപ്പാലത്തെ പോക്‌സോ കേസില്‍ ഇരയായ പെണ്‍കുട്ടിയുടെ കുടുംബത്തിനാണ് തെരുവില്‍ കഴിയേണ്ട അവസ്ഥ വന്നിരിക്കുന്നത്. കടുത്ത സാമ്പത്തിക ബുദ്ധിമുട്ട് അനുഭവിച്ചിരുന്ന കുടുംബത്തിന് വീട്ട് വാടക നൽകാൻ കഴിഞ്ഞിരുന്നില്ല. മുന്ന് വർഷമായി വാടക നൽകാത്തതിനെത്തുടർന്ന് വീട്ടുടമ കോടതിയെ സമീപിക്കുകയും വീടൊഴിഞ്ഞു നൽകാൻ കോടതി ഉത്തരവിടുകയുമായിരുന്നു. 2017 ലാണ് പെണ്‍കുട്ടി പീഡനത്തിന് ഇരയാവുകയും ആത്മഹത്യ ചെയ്യുകയും ചെയ്തത്. ഇതെത്തുടർന്ന് തീരാദുരിത്തില്‍ അകപ്പെട്ട ഈ കുടുംബം നാട്ടുകാരുടെ സഹായത്തോടെയായിരുന്നു ജീവിതം മുന്നോട്ടുനയിച്ചത്.