സ്കൂട്ടർ മറിഞ്ഞ് അമ്മക്കും ഒന്നര വയസ്സുകാരനും ദാരുണാന്ത്യം

Sandhya

May 2, 2025

സ്കൂട്ടർ മറിഞ്ഞ് അമ്മക്കും ഒന്നര വയസ്സുകാരനും ദാരുണാന്ത്യം

പാലക്കാട്: കല്ലേക്കാട് കിഴക്കഞ്ചേരിക്കാവിന് സമീപം സ്കൂട്ടർ മറിഞ്ഞ് അമ്മയും ഒന്നര വയസ്സുകാരനും മരിച്ചു. മാട്ടുമറ്റ സ്വദേശി അഞ്ജു (26) മകൻ ശ്രീയാൻ ശരത്ത് എന്നിവരാണ് മരിച്ചത്. നിയന്ത്രണം വിട്ട സ്കൂട്ടർ റോഡരികിൽ കൂട്ടിയിട്ടിരുന്ന കുടിവെള്ള പൈപ്പിൽ തട്ടി മറയുകയായിരുന്നു.

ഉച്ചയ്‌ക്ക് 11 മണിയോടെയായിരുന്നു സംഭവം. വരിക്കാശ്ശേരി മനയിൽ ഫോട്ടോ ഷൂട്ടിന് ശേഷം മടങ്ങി വരുമ്പോഴാണ് അപകടമുണ്ടായത്. സുഹൃത്തും കൂടെയുണ്ടായിരുന്നു. ഉടൻ തന്നെ ഇരുവരേയും സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഗുരുതരമായി പരിക്കേറ്റ സുഹൃത്ത് ചികിത്സയിലാണ്.