ജമ്മു കശ്മീരിൽ സൈനിക വാഹനം കൊക്കയിലേക്ക് മറിഞ്ഞ് മൂന്ന് സൈനികർ മരിച്ചു

ശ്രീനഗർ: ജമ്മു കശ്മീരിൽ സൈനിക വാഹനം കൊക്കയിലേക്ക് മറിഞ്ഞ് മൂന്ന് സൈനികർ മരിച്ചു. ജമ്മു കശ്മീരിലെ റംബാൻ ജില്ലയിലാണ് അപകടം. അമിത് കുമാർ, സജീത് കുമാർ, മാൻ ബഹദൂർ എന്നിവരാണ് മരിച്ചത്. ഞായറാഴ്ച രാവിലെ 11.30ഓടെയാണ് അപകടം.

ജമ്മുവിൽ നിന്ന് ശ്രീനഗറിലേക്ക് ദേശീയ പാത 44 വഴി പോവുകയായിരുന്നു വാഹനവ്യൂഹത്തിന്റെ ഭാഗമായിരുന്ന ട്രക്കാണ് അപകടത്തിൽ പെട്ടത്.700 അടി താഴ്ചയുള്ള മലയിടുക്കിലേക്കാണ് ഇവർ സഞ്ചരിച്ച വാഹനം പതിച്ചത്. വീഴ്ചയിൽ ട്രക്ക് പൂർണമായി തകർന്നു.