പെറ്റ് ഷോപ്പിലെ മോഷണം : മൂന്ന് പേർ പിടിയിൽ

തൃശ്ശൂര്‍: പെറ്റ് ഷോപ്പിലെ മോഷണത്തിൽ മൂന്ന് പേരെ പോലീസ് പിടികൂടി. എങ്കക്കാട് സ്വദേശി മുഹമ്മദ് ഖാസി (26), സത്യപാല്‍ (22), വടക്കാഞ്ചേരി സ്വദേശിയായ പത്താം ക്ലാസ് വിദ്യാർത്ഥി എന്നിവരെ വടക്കാഞ്ചേരിയില്‍ നിന്നും തൃശ്ശൂര്‍ വെസ്റ്റ് പൊലീസാണ് അറസ്റ്റ് ചെയ്തത്.പെരിങ്ങാവിലെ പെറ്റ് ഷോപ്പിലായിരുന്നു കവർച്ച നടന്നിരുന്നത് .

പെരിങ്ങാവിൽ നിതീഷിന്റെ ഉടമസ്ഥതയിലുള്ള പെറ്റ് ഷോപ്പിൽ നിന്ന് ഒരു ലക്ഷത്തോളം വിലവരുന്ന വളർത്തുനായകളേയും വിദേശ ഇനത്തിൽപ്പെട്ട പൂച്ചകളേയും മാണ് മോഷ്ടിച്ചത്. സംഭവം നടന്ന സമയത്ത് കൂട് തുറന്ന് നായക്കുഞ്ഞുങ്ങളെ എടുത്ത് ചെറിയ കൂട്ടിലേക്ക് മാറ്റുകയും ഒപ്പം പൂച്ചകളെയും പിടിച്ചുകൊണ്ടുപോവുകയായിരുന്നു. ഇതിന്റെ ദൃശ്യങ്ങള്‍ അടക്കമാണ് പുറത്തുവന്നിരിക്കുന്നത് .

കുറ്റം നടത്തുന്ന സമയത്ത് മോഷണത്തിനെത്തിയ പ്രതി മുഖം മറച്ചിരുന്നു. ഈ പ്രതികൾ നേരത്തെയും ബൈക്ക് മോഷണമടക്കം നിരവധി കേസില്‍ പ്രതികളാണെന്ന് പൊലീസ് പറഞ്ഞത് . നാല് ദിവസം മുമ്പാണ് മോഷണം പോയ ബൈക്ക് പോലീസ് പിടിച്ചെടുക്കുകയായിരുന്നു .