പോലിസിനെ കബിളിപ്പിച്ച് രക്ഷപ്പെട്ടു , പ്രതിയെ ഒളിവുസങ്കേതത്തിൽ നിന്ന് പിടികൂടി

കോവളം: പോലിസിനെ കബിളിപ്പിച്ച് രക്ഷപ്പെട്ട പ്രതിയെ ഒളിവുസങ്കേതത്തിൽ നിന്ന് പിടികൂടി. പോലീസ് സംഘത്തിനുനേരെ വാൾ വീശി രക്ഷപ്പെട്ട പ്രതിയെയാണ് പോലീസ് അറസ്റ്റു ചെയ്തത് .മുട്ടയ്ക്കാട് കൈലിപ്പാറ കോളനിയിൽ കണ്ണൻ എന്നുവിളിക്കുന്ന ഗോകുലിനെ(26) ആണ് ഒളിസങ്കേതത്തിൽ നിന്ന് കോവളം പോലീസ് അറസ്റ്റ് ചെയ്യുകയായിരുന്നു .

തടഞ്ഞുനിർത്തി കോളീയൂർ ഭാഗത്തെ റസിഡൻസിൽപ്പെട്ട ഭാരവാഹികളെയും പ്രദേശവാസികളെയും പണം പിടിച്ചുവാങ്ങുകയും നൽകാത്തവരെ ആക്രമിക്കുകയും ചെയ്ത സംഭവത്തിലായിരുന്നു കോവളം എസ്.ഐ. പ്രദീപ് ഉൾപ്പെട്ട സംഘം ഇയാളുടെ വീട് അന്വേഷിച്ചെത്തിയത്. അതേസമയം വീട്ടിലുണ്ടായിരുന്ന പ്രതി വാളെടുത്ത് ഉദ്യോഗസ്ഥർക്ക് നേരെ വീശുകയും ഇഷ്ടികയെടുത്ത് പോലീസ് ജീപ്പിന്റെ പിൻഭാഗത്തുളള ഗ്ലാസ് ചില്ലിനെ എറിഞ്ഞുതകർക്കുകയും ചെയ്‌ത്‌ അവിടന്ന് ഓടി രക്ഷപ്പെടുകയായിരുന്നു. തുടർന്ന് ഒരുരാത്രിമുഴുവൻ നടത്തിയ തിരച്ചിലിലാണ്
ഇയാളെ പിടികൂടിയത് .

ഇയാൾക്കെതിരെ പോലീസിന്റെ ഡ്യൂട്ടി തടസപ്പെടുത്തിയതിനും ജീപ്പ്എറിഞ്ഞുതകർത്തതിനും കോവളം പോലീസ് കേസെടുത്തിയിട്ടുണ്ട് .
വിഴിഞ്ഞം, കോവളം, നേമം, തിരുവല്ലം ഉൾപ്പെട്ട സ്റ്റേഷനുകളിൽ ഇയാൾക്കെതിരെ കേസുകളുണ്ട്. കോവളം എസ്.എച്ച്.ഒ. സജീവ് ചെറിയാൻ എസ്.ഐ.മാരായ പി.കെ. പ്രദീപ്, ഇ. നിസാമുദ്ധീൻ എന്നിവരുൾപ്പെട്ട സംഘമാണ് പ്രതിയെ അറസ്റ്റുചെയ്തത്. ഇയാളെ റിമാൻഡ് ചെയ്തതിട്ടുണ്ട്.