സിനിമയില്‍ അഭിനയിക്കാന്‍ വേണ്ടി വീടുവിട്ടു പോയ 14 ക്കാരനെ കണ്ടെത്തി

പത്തനംതിട്ട: സിനിമയില്‍ അഭിനയിക്കാന്‍ വേണ്ടി അമ്മയ്ക്ക് കത്ത് എഴുതി വച്ച് വീടുവിട്ടിറങ്ങിയ 14കാരനെ കണ്ടെത്തി. മല്ലപ്പള്ളി ആനിക്കാടുനിന്ന് കാണാതായ 14 കാരനെ യായിരുന്നു യ്രെിനില്‍വെച്ച് കണ്ടെത്തിയത്. ചെന്നൈ -ഗുരുവായൂര്‍ എക്‌സ്പ്രസില്‍ യാത്ര ചെയ്തിരുന്നയാൾ കുട്ടിയെ തിരിച്ചറിഞ്ഞതോടെയാണ് കുട്ടിയെ തിരിച്ചു കിട്ടിയത് .

ചൊവ്വാഴ്ച രാവിലെ മല്ലപ്പള്ളി -കോട്ടയം റോഡിലെ ഒരു ട്യൂഷന്‍ കേന്ദ്രത്തില്‍ പോയതായിരുന്നു കുട്ടി . കുട്ടിയുടെ സൈക്കിള്‍ മല്ലപ്പള്ളി ബസ്സ്റ്റാന്‍ഡിന് സമീപം കണ്ടെത്തിയിട്ടുണ്ട് . കീഴ്വായ്പൂര് പൊലീസ് വീട്ടില്‍ നടത്തിയ പരിശോധനയില്‍ നിന്ന് സിനിമയില്‍ അഭിനയിക്കാന്‍ എന്ന് പറഞ്ഞ് അമ്മയ്ക്ക് ഒരു കത്ത് എഴുതി വച്ചത് പോലീസ് കണ്ടെടുത്തിയിട്ടുണ്ട് .

മല്ലപ്പള്ളിയില്‍നിന്ന് ബസില്‍ കയറിയ കുട്ടി ചങ്ങനാശ്ശേരിയില്‍ ഇറങ്ങിയതായാണ് കണ്ടക്ടറിനോട് ചോദിച്ചപ്പോൾ ലഭിച്ച മൊഴി. എസ്‌ഐ സതിശേഖറിന്റെ നേതൃത്വത്തിലുള്ള പ്രത്യേക അന്വേഷണസംഘമാണ് കേസ് നടത്തിയത്.