ടാറിളകി റോഡ് തകർന്നു ദുരിതത്തിലായി ഇരുചക്ര വാഹനക്കാർ

മന്ദമരുതി : ആശുപത്രിപടിയിൽ നിന്ന് വട്ടാർ‌കയം വഴി വലിയകാവിലേക്കു പോകുന്ന റോഡിൽ ടാറിളകി റോഡ് തകർന്നു കിടക്കുന്നതിനാൽ അതിലൂടെ പോകുന്ന ഇരുചക്രവാഹനക്കാർ ദുരിതത്തിലായി .പുനലൂർ–മൂവാറ്റുപുഴ, ചെട്ടിമുക്ക്–വലിയകാവ് എന്നീ റോഡുകളെയും അങ്ങാടി, പഴവങ്ങാടി എന്നീ പ‍ഞ്ചായത്തുകളെയും ബന്ധിപ്പിക്കുന്ന ഇടറോഡാണിത്.

വലിയകാവ്–റാന്നി റൂട്ടിൽ ആവശ്യത്തിനു ബസ് സർവീസില്ലാത്തതിനാൽ ഗ്രാമീണ മേഖലകളിൽ താമസിക്കുന്നവർ നടക്കാനും ഓട്ടോയും മറ്റും കുടുതലും ആശ്രയിക്കുന്നത് മന്ദമരുതിയിലെത്തിയാണു ബസിൽ യാത്ര നടത്തുന്നത്.

ടാറിങ് ഏറെക്കുറെ പൂർണമായി നശിച്ചതിനാൽ വൻകുഴികളാണ് നിറയെ. ടാറിങ് പൊളിഞ്ഞ് ക ട്ടിങ്ങുകളും രൂപപ്പെട്ടിട്ടുണ്ട്. ഇത്തരം കട്ടിങ്ങുകളാണ് ഇരുചക്ര വാഹന യാത്രക്കാർക്കു കെണിയാകുന്നത്.