റോക്കറ്റ് വിക്ഷേപണ പരസ്യത്തിൽ ചൈനാപതാക; തമിഴ്‍നാട്ടിൽ ബി.ജെ.പി.യും ഡി.എം.കെ.യും തമ്മിൽ പോര്

തൂത്തുക്കുടി കുലശേഖരപട്ടണത്തെ ഐ.എസ്.ആർ.ഒ.യുടെ പുതിയ റോക്കറ്റ് വിക്ഷേപണകേന്ദ്രത്തിന്റെ ശിലാസ്ഥാപനച്ചടങ്ങിനോടനുബന്ധിച്ച് പ്രസിദ്ധീകരിച്ച പരസ്യത്തെച്ചൊല്ലി ബി.ജെ.പി.യും ഡി.എം.കെ.യും തമ്മിൽ പോര്. തമിഴ്‌നാട് ഫിഷറീസ് മന്ത്രി അനിതാ രാധാകൃഷ്ണൻ പ്രാദേശികപത്രങ്ങളിൽ നൽകിയ പരസ്യത്തിൽ ചൈനയുടെ പതാകയുള്ള റോക്കറ്റുകൾ ഇടംപിടിച്ചതാണ് തർക്കത്തിനുകാരണം. ശിലാസ്ഥാപനത്തിനെത്തിയ പ്രധാനമന്ത്രി നരേന്ദ്രമോദി ഇത് ചൂണ്ടിക്കാട്ടി ഡി.എം.കെ.യെ വിമർശിച്ചതോടെയാണ് പോരിന്റെ തുടക്കം.