മെഡിക്കൽ വിദ്യാർഥികൾക്കിടയിലെ വിഷാദവും ആത്മഹത്യയും;കർമസേന രൂപവത്കരിച്ച് ദേശീയ മെഡിക്കൽ കമ്മിഷൻ

ആത്മഹത്യകൾ റിപ്പോർട്ട് ചെയ്ത കോളേജുകൾ സന്ദർശിക്കുന്ന സംഘം മേയ് 31-നകം സമഗ്ര റിപ്പോർട്ട് കമ്മിഷന് സമർപ്പിക്കും. അഞ്ചുവർഷത്തിനിടെ 122 മെഡിക്കൽ വിദ്യാർഥികൾ ആത്മഹത്യചെയ്തതായുള്ള റിപ്പോർട്ട് ദേശീയ മെഡിക്കൽ കമ്മിഷൻ കഴിഞ്ഞദിവസം പുറത്തുവിട്ടിരുന്നു. ജീവനൊടുക്കിയവരിൽ 64 എം.ബി.ബി.എസ്. വിദ്യാർഥികളും 58 പേർ പി.ജി. മെഡിക്കൽ വിദ്യാർഥികളുമാണ്. കൊഴിഞ്ഞുപോയവരിൽ 153 പേർ എം.ബി.ബി.എസിലും 1117 പേർ ബിരുദാനന്തര കോഴ്സുകളിലുമുള്ളവരാണ്.