കോൺഗ്രസ് മഹാരാഷ്ട്ര വർക്കിങ് പ്രസിഡന്റ് പാർട്ടി വിട്ടു

ലോക്‌സഭാ തിരഞ്ഞെടുപ്പ് തൊട്ടടുത്തെത്തി നിൽക്കേ മഹാരാഷ്ട്രയിൽ കോൺഗ്രസിന് തിരിച്ചടി. മഹാരാഷ്ട്ര കോൺഗ്രസ് വർക്കിങ് പ്രസിഡന്റും മുൻമന്ത്രിയുമായ ബസവരാജ് പാട്ടീൽ പാർട്ടി വിട്ടു. പാട്ടീൽ ബി.ജെ.പി.യിൽ ചേരുമെന്നാണ് സൂചന.

മറാത്ത്‌വാഡയിൽനിന്നുള്ള പ്രമുഖ ലിംഗായത്ത് നേതാവാണ് ബസവരാജ് പാട്ടീൽ. രണ്ടുതവണ മഹാരാഷ്ട്ര നിയമസഭാംഗമായിട്ടുണ്ട്. 1999 മുതൽ 2004 വരെ മഹാരാഷ്ട്ര ഗ്രാമവികസന വകുപ്പ് മന്ത്രിയായി പ്രവർത്തിച്ചിട്ടുണ്ട്.