എ​ക്സൈ​സ് വെ​ട്ടി​പ്പ്; ബഹ്റൈനിൽ 13 സ്ഥാ​പ​ന​ങ്ങ​ൾ​ക്കെ​തി​രെ ന​ട​പ​ടി

വാ​റ്റ്, എ​ക്സൈ​സ് വെ​ട്ടി​പ്പു​മാ​യി ബ​ന്ധ​പ്പെ​ട്ട് ന​വം​ബ​റി​ൽ 155 സ്ഥാ​പ​ന​ങ്ങ​ളി​ൽ പ​രി​ശോ​ധ​ന ന​ട​ത്തി​യ​താ​യി നാ​ഷ​ന​ൽ ബ്യൂ​റോ ഓ​ഫ്​ റ​വ​ന്യൂ (എ​ൻ.​ബി.​ആ​ർ) അ​റി​യി​ച്ചു. വാ​റ്റ്​ നി​യ​മം ശ​രി​യാ​യ വി​ധ​ത്തി​ൽ ന​ട​പ്പാ​ക്കു​ന്ന​തു​മാ​യി ബ​ന്ധ​പ്പെ​ട്ടു​ള്ള പ​രി​ശോ​ധ​ന​യാ​ണ്​ ന​ട​ന്ന​ത്. ഉ​പ​ഭോ​ക്താ​ക്ക​ളു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തോ​ടൊ​പ്പം വാ​റ്റ്​ ത​ട്ടി​പ്പ്​ ന​ട​ക്കു​ന്നു​ണ്ടോ​യെ​ന്ന കാ​ര്യ​വു​മാ​ണ്​ മു​ഖ്യ​മാ​യും നി​രീ​ക്ഷി​ച്ച​ത്.

ഡി​ജി​റ്റ​ൽ സ്റ്റാ​മ്പ്​ ​സി​സ്റ്റം ന​ട​പ്പാ​ക്കി​യ​തി​നു​ശേ​ഷം വി​വി​ധ സ്ഥാ​പ​ന​ങ്ങ​ൾ നി​യ​മം കൃ​ത്യ​മാ​യി പാ​ലി​ക്കു​ന്നെ​ന്ന​തും ഉ​റ​പ്പാ​ക്കാ​ൻ പ​രി​ശോ​ധ​ന​ക​ളി​ലൂ​ടെ സാ​ധി​ക്കു​ന്ന​താ​യും ബ​ന്ധ​പ്പെ​ട്ട​വ​ർ അ​റി​യി​ച്ചു. വാ​റ്റ്​ നി​യ​മം, ഡി​ജി​റ്റ​ൽ സ്റ്റാ​മ്പി​ങ്​ നി​യ​മം എ​ന്നി​വ ലം​ഘി​ച്ച 13 സ്ഥാ​പ​ന​ങ്ങ​ൾ​ക്കെ​തി​രെ ന​ട​പ​ടി സ്വീ​ക​രി​ച്ചി​ട്ടു​ണ്ട്. ചി​ല സ്ഥാ​പ​ന​ങ്ങ​ൾ താ​ൽ​ക്കാ​ലി​ക​മാ​യി പൂ​ട്ടി​യി​ടാ​നും ഉ​ത്ത​ര​വ്​ ന​ൽ​കി​യി​ട്ടു​ണ്ട്.

കു​റ്റ​കൃ​ത്യം തെ​ളി​യി​ക്ക​പ്പെ​ട്ടാ​ൽ വാ​റ്റ് നി​യ​മം അ​നു​സ​രി​ച്ച് അ​ഞ്ചു വ​ർ​ഷ​ത്തെ ത​ട​വും അ​ട​യ്‌​ക്കേ​ണ്ട വാ​റ്റി​ന്റെ മൂ​ന്നി​ര​ട്ടി തു​ക​ക്ക് തു​ല്യ​മാ​യ പി​ഴ​യും ശി​ക്ഷ​യാ​യി ല​ഭി​ക്കും. എ​ക്സൈ​സ് നി​യ​മ​പ്ര​കാ​രം വെ​ട്ടി​ച്ച എ​ക്സൈ​സ് നി​കു​തി​യു​ടെ ഇ​ര​ട്ടി​ക്ക് തു​ല്യ​മാ​യ പി​ഴ​യും ഒ​രു വ​ർ​ഷം ത​ട​വു​മാ​ണ് നി​യ​മ​ലം​ഘ​ക​ർ ശി​ക്ഷ അ​നു​ഭ​വി​ക്കേ​ണ്ട​ത്.സി​ഗ​ര​റ്റ്, വാ​ട്ട​ർ​പൈ​പ്പ് പു​ക​യി​ല മൊ​ളാ​സ് എ​ന്നി​വ​യി​ൽ ഡി​ജി​റ്റ​ൽ സ്റ്റാ​മ്പ് സ്‌​കീം ന​ട​പ്പാ​ക്കാ​ൻ അ​ടു​ത്തി​ടെ തീ​രു​മാ​നി​ച്ചി​രു​ന്നു. അ​ത് സം​ബ​ന്ധി​ച്ച പ​രി​ശോ​ധ​ന​ക​ളും ന​ട​ന്നു. വാ​റ്റ്, എ​ക്‌​സൈ​സ് നി​കു​തി എ​ന്നി​വ ശാ​സ്ത്രീ​യ​മാ​യി ചു​മ​ത്തു​ന്ന​തി​നാ​ണ് ഡി​ജി​റ്റ​ൽ സ്റ്റാ​മ്പി​ങ് ന​ട​പ്പാ​ക്കാ​ൻ തീ​രു​മാ​നി​ച്ച​ത്. ഡി​ജി​റ്റ​ൽ സ്റ്റാ​മ്പ് ചെ​യ്യാ​തെ പു​ക​യി​ല ‘മൊ​ളാ​സ​സ്’ ഉ​ൽ​പ​ന്ന​ങ്ങ​ൾ (ഹു​ക്ക) രാ​ജ്യ​ത്ത് വി​ൽ​ക്കാ​നും ഇ​റ​ക്കു​മ​തി ചെ​യ്യാ​നും അ​നു​വ​ദി​ക്കി​ല്ലെ​ന്ന് എ​ൻ.​ബി.​ആ​ർ അ​റി​യി​ച്ചി​രു​ന്നു.