അങ്കമാലി തീപിടുത്തം; കെട്ടിടത്തിൽ കുടുങ്ങിയ വയോധികൻ പൊള്ളലേറ്റ് മരിച്ചു

എറണാകുളം അങ്കമാലിയിലെ കെട്ടിടത്തിലുണ്ടായ തീപിടുത്തത്തിൽ ഭിന്നശേഷിക്കാരനായ വയോധികൻ പൊള്ളലേറ്റ് മരിച്ചു. ബാബു കെ എന്നയാളാണ് കെട്ടിടത്തിനുള്ളിൽ പടർന്ന തീയിൽപെട്ട് മരിച്ചത്. ബാബു തീപിടുത്തം ഉണ്ടായ സമയത്ത് കെട്ടിടത്തിൽ കുടുങ്ങുകയായിരുന്നു. തീ നിയന്ത്രണവിധേയമായ ശേഷമാണ് ബാബുവിന്റെ മൃതദേഹാവശിഷ്ടങ്ങൾ കെട്ടിടത്തിനുള്ളിൽ നിന്ന് കണ്ടെത്തിയത്.