ഇന്ത്യയുടെ റിപ്പബ്ലിക് ദിനാഘോഷത്തില്‍ ഫ്രഞ്ച് പ്രസിഡന്‍റ് ഇമ്മാനുവല്‍ മാക്രോണ്‍ അതിഥിയാകും

ന്യൂഡല്‍ഹി: 2024-ലെ ഇന്ത്യയുടെ റിപ്പബ്ലിക് ദിനാഘോഷത്തില്‍ ഫ്രഞ്ച് പ്രസിഡന്‍റ് ഇമ്മാനുവല്‍ മാക്രോണ്‍ അതിഥിയാകും.  റിപ്പബ്ലിക് ദിനാഘോഷത്തില്‍ പങ്കെടുക്കാനുള്ള പ്രധാനമന്ത്രി നരേന്ദ്രമോദിയുടെ ക്ഷണം മാക്രോണ്‍ സ്വീകരിച്ചതായി ആണ് റിപ്പോർട്ട്.

ഇന്ത്യയുടെ റിപ്പബ്ലിക് ദിനാഘോഷത്തില്‍ പങ്കെടുക്കുന്ന ആറാമത്തെ ഫ്രഞ്ച് പ്രസിഡന്‍റാകും മാക്രോണ്‍.

ഇപ്പോള്‍ ഇരുരാജ്യങ്ങളും തമ്മിലുള്ള ബന്ധം കൂടുതല്‍ ശക്തമാണ്. കൂടുതല്‍ റഫാല്‍ യുദ്ധവിമാനങ്ങള്‍ ഫ്രാന്‍സില്‍നിന്ന് വാങ്ങാനുള്ള കരാറില്‍ ഇന്ത്യ ഒപ്പുവയ്ക്കാനിരിക്കെയാണ് മാക്രോണിന്‍റെ സന്ദര്‍ശനം. ജനുവരിയിലെ സന്ദര്‍ശനത്തോടനുബന്ധിച്ച്‌ 52000 കോടി രൂപയുടെ ഈ കരാറില്‍ ഒപ്പുവച്ചേക്കും.