സംസ്ഥാനങ്ങൾക്കുള്ള നികുതി വിഭജനത്തിന്റെ അധിക ഗഡുവായി കേന്ദ്രം 72,961.21 കോടി രൂപ അനുവദിച്ചു; കേരളത്തിന് 1404.50 കോടി രൂപ

ന്യൂ ഡൽഹി: വരാനിരിക്കുന്ന ആഘോഷങ്ങളും പുതുവർഷവും കണക്കിലെടുത്ത്, വിവിധ സാമൂഹിക ക്ഷേമ നടപടികൾക്കും അടിസ്ഥാന സൗകര്യ വികസന പദ്ധതികൾക്കും ധനസഹായം നൽകുന്നതിന് സംസ്ഥാന സർക്കാരുകൾക്ക് 72,961.21 കോടി രൂപയുടെ നികുതി വിഹിതം അധിക ഗഡുവായി അനുവദിക്കാൻ കേന്ദ്ര സർക്കാർ അനുമതി നൽകി.

2024 ജനുവരി 10-ന് സംസ്ഥാനങ്ങൾക്ക് നൽകേണ്ട നികുതി വിഭജന ഗഡുവിനും 2023 ഡിസംബർ 11-ന് ഇതിനകം റിലീസ് ചെയ്ത ₹72,961.21 കോടിക്കും പുറമേയാണ് ഈ ഗഡു.