ക്രിസ്മസ് ആഘോഷിച്ചതിന് സ്ത്രീകളുൾപ്പെടെ മൂന്നുപേർക്ക് ക്രൂര മർദ്ദനം

ഒഡിഷ : ഒഡിഷയിൽ ക്രിസ്മസ് ആഘോഷിച്ചതിന് മൂന്നുപേരെ മരത്തിൽ കെട്ടിയിട്ട് മർദിച്ചു . ബലാസോർ ജില്ലയിലെ ഗോബർധൻപുരി ഗ്രാമത്തിലാണ് ആക്രമണം നടന്നത്. സംഭവവുമായി ബന്ധപ്പെട്ട് പല ദേശിയ മാധ്യമങ്ങളും വാർത്ത റിപ്പോർട്ട് ചെയ്‌തു.

ദേവസേന എന്ന ഹിന്ദുത്വ സംഘടനയുടെ നേതൃത്വത്തിലായിരുന്നു ആക്രമണം. നാട്ടുകാരും ഇവരോടൊപ്പമുണ്ടായിരുന്നു. ആഘോഷങ്ങളുടെ മറവിൽ മതപരിവർത്തനം നടത്തുകയാണെന്ന് ആരോപിച്ചായിരുന്നു മർദനം.

സംഭവം അറിഞ്ഞയുടൻ പൊലീസ് സ്ഥലത്തെത്തി രണ്ട് സ്ത്രീകളെയും ഒരു പുരുഷനെയും രക്ഷിച്ചു. ഇരു വിഭാഗങ്ങളുടെയും പരാതിയിൽ കേസ് രജിസ്റ്റർ ചെയ്തതായും അന്വേഷണം പുരോഗമിക്കുകയാണെന്നും പൊലീസ് അറിയിച്ചു.