വെൽഫെയർ പാർട്ടി മലപ്പുറം ജില്ലാ സമ്മേളനം നാളെ

മലപ്പുറം: വെൽഫെയർ പാർട്ടി മലപ്പുറം ജില്ലാ സമ്മേളനം നാളെ (2024 ഡിസംബർ 1) കോട്ടക്കൽ പറങ്കിമൂച്ചിക്കൽ ഉസ്മാൻ പാണ്ടിക്കാട് നഗറിൽ നടക്കും. വെൽഫെയർ പാർട്ടി സംസ്ഥാന പ്രസിഡന്റു റസാഖ് പാലേരി സമ്മേളനം ഉദ്ഘാടനം ചെയ്യും. സംസ്ഥാന ട്രഷറർ സജീദ് ഖാലിദ്, സംസ്ഥാന സെക്രട്ടറി പ്രേമ ജി. പിഷാരടി, സംസ്ഥാന സമിതി അംഗം ബിനു വയനാട്, ജില്ലാ പ്രസിഡന്റു നാസർ കീഴുപറമ്പ്, ജില്ലാ ജനറൽ സെക്രട്ടറി സഫീർ ഷാ എന്നിവർ സമ്മേളനത്തിൽ പങ്കെടുക്കും.

മലപ്പുറം ജില്ലയിലെ മുഴുവൻ യൂണിറ്റ്, പഞ്ചായത്ത്, മണ്ഡലം സമ്മേളനങ്ങൾ രണ്ടുമാസങ്ങളിലായി പൂർത്തീകരിച്ചിട്ടുണ്ട്. മണ്ഡലം സമ്മേളനങ്ങളിൽ നിന്ന് പ്രതിനിധികളായി തിരഞ്ഞെടുക്കപ്പെട്ടവരാണ് ജില്ലാ സമ്മേളനത്തിൽ പങ്കാളികളാകുക.