അയ്യങ്കാളി മെറിറ്റോറിയല്‍ ടാലന്റ് സ്‌കോളര്‍ഷിപ്പ് ; അപേക്ഷ ക്ഷണിച്ചു

തൃശൂർ : ശ്രീ. അയ്യങ്കാളി മെറിറ്റോറിയല്‍ ടാലന്റ് സെര്‍ച്ച് ആന്‍ഡ് ഡെവലപ്മെന്റ് സ്‌കീം കാറ്റഗറി 1 (യു.പി), കാറ്റഗറി 2 ( ഹൈസ്‌കൂള്‍) എന്നീ വിഭാഗങ്ങളിലേക്ക് 2024-2025 വര്‍ഷം 5,8 ക്ലാസുകളില്‍ പഠിക്കുന്ന പട്ടികവര്‍ഗ്ഗ വിദ്യാര്‍ത്ഥികളില്‍ നിന്നും അപേക്ഷ ക്ഷണിച്ചു. അപേക്ഷകര്‍ക്ക് 4, 7 ക്ലാസുകളിലെ വാര്‍ഷിക പരീക്ഷയില്‍ എല്ലാ വിഷയത്തിലും എ ഗ്രേഡ് ലഭിച്ചിരിക്കണം.

പട്ടികവര്‍ഗ്ഗ ദുര്‍ബല വിഭാഗങ്ങളായ കാടര്‍, കുറുമ്പന്‍, ചോലനായ്ക്കര്‍, കാട്ടുനായ്ക്കര്‍, കൊറഗ സമുദായങ്ങളിലെ വിദ്യാര്‍ത്ഥികള്‍ക്ക് ബി ഗ്രേഡ് മതി. അപേക്ഷകര്‍ 4, 7 ക്ലാസുകളില്‍ സര്‍ക്കാര്‍/എയ്ഡഡ് സ്‌കൂളുകളില്‍ പഠിച്ചവരും, സ്‌കീം കാലയളവില്‍ സര്‍ക്കാര്‍/എയ്ഡഡ് സ്‌കൂളുകളില്‍ പഠനം തുടരുന്നവരുമായിരിക്കണം.

അപേക്ഷകരുടെ കുടുംബ വാര്‍ഷിക വരുമാന പരധി ഒരു ലക്ഷം രൂപയില്‍ കൂടരുത്. അപേക്ഷ നിശ്ചിത ഫോറത്തില്‍ സ്‌കൂള്‍ മേധാവിയുടെ സാക്ഷ്യപ്പെടുത്തല്‍ സഹിതം ഡിസംബര്‍ 10 ന് വൈകുന്നേരം 5 മണിക്ക് മുമ്പ് ട്രൈബല്‍ ഡെവലപ്മെന്റ് ഓഫീസര്‍, ട്രൈബല്‍ ഡെവലപ്മെന്റ് ഓഫീസ്, ഒന്നാം നില, മിനി സിവില്‍ സ്റ്റേഷന്‍, ചാലക്കുടി പി ഒ, തൃശ്ശൂര്‍- 680 307 എന്ന വിലാസത്തില്‍ ലഭിക്കണം.

അപേക്ഷയോടൊപ്പം ജാതി സര്‍ട്ടിഫിക്കറ്റ്, വരുമാന സര്‍ട്ടിഫിക്കറ്റ്, പ്രധാന അധ്യാപകന്‍ സാക്ഷ്യപ്പെടുത്തിയ മുന്‍വര്‍ഷത്തെ മാര്‍ക്ക് ലിസ്റ്റ്, ആധാര്‍ കാര്‍ഡിന്റെ പകര്‍പ്പ്, മുന്‍ഗണന ഇനങ്ങള്‍ തെളിയിക്കുന്ന രേഖകള്‍ എന്നിവ സമര്‍പ്പിക്കണം. ഫോണ്‍: 0480 2706100