ശബരിമലയിലെ വരുമാനത്തിൽ വൻ വർധനവ്; ആദ്യ 12 ദിവസം കൊണ്ട് 63 കോടി രൂപയെത്തി

ശബരിമല: മണ്ഡലകാലത്തിന്റെ ആദ്യദിനങ്ങളിൽ തന്നെ ശബരിമലയിലെ വരുമാനത്തിൽ വൻ വർധനവ്. ഇത്തവണ ആദ്യ 12 ദിവസം 63,01,14,111( അറുപത്തി മൂന്ന് കോടി ഒരു ലക്ഷത്തി പതിനാലായിരത്തി ഒരുന്നൂറ്റി പതിനൊന്ന്) രൂപയാണ് ശബരിമലയിലെ വരുമാനം. കഴിഞ്ഞ വർഷം ഈ കാലയളവിൽ 47,12,01,536 ( നാൽപത്തി ഏഴ് കോടി പന്ത്രണ്ടു ലക്ഷത്തി ആയിരത്തി അഞ്ഞൂറ്റി മുപ്പത്തിയാറ് ) രൂപയായിരുന്നു വരുമാനം. 15,89,12,575 രൂപയാണ് കഴിഞ്ഞ വർഷത്തെക്കാൾ അധികമായി ലഭിച്ചത്. ശബരിമല തീർഥാടന അവലോകന യോഗത്തിനു ശേഷം ദേവസ്വം ബോർഡ് പ്രസിഡന്റ് പി എസ് പ്രശാന്താണ് ഇക്കാര്യം വ്യക്തമാക്കിയത്