കെഎസ്ആർടിസി ബസിടിച്ച് ബൈക്ക് യാത്രികരായ യുവാക്കൾ മരിച്ചു

ചേർത്തല: കെഎസ്ആർടിസി ബസിടിച്ച് ബൈക്ക് യാത്രക്കാരായ രണ്ട് യുവാക്കൾക്ക് ദാരുണാന്ത്യം. ഇന്ന് പുലർച്ചെ ഒരു മണിയോടുകൂടി ചേർത്തല ബോയ്സ് സ്കൂളിന് സമീപത്തു വച്ചായിരുന്നു അപകടം. ചേർത്തല നെടുമ്പ്രക്കാട് പുതുവൽ നഗർ പരേതനായ രമേശന്റെയും ലളിതയുടെയും മകൻ നവീൻ (24 ), സാന്ദ്ര നിവാസിൽ വിജയന്റെയും ശോഭയുടെയും മകൻ ശ്രീഹരി (24) എന്നിവരാണ് മരിച്ചത്.

സുഹൃത്തുക്കളായ ഇവർ എടിഎമ്മിൽ നിന്ന് പണം എടുക്കാനായി പോയതായിരുന്നു. ഇരുവരെയും ചേർത്തല താലുക്ക് ആശുപത്രിയിലും സ്വകാര്യ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.