വെ​റു​പ്പി​ന്‍റെ ഫാ​ക്ട​റി​യി​ൽ ഇ​ത്ര​യും കാ​ലം ജോ​ലി ചെ​യ്ത​തി​ൽ ജാ​ള്യ​ത; സ​ന്ദീ​പ് വാ​ര്യ​ർ

പാലക്കാട്: താന്‍ കോണ്‍ഗ്രസില്‍ ചേര്‍ന്നതിന്റെ പൂര്‍ണ ഉത്തരവാദിത്വം ബി.ജെ.പി. സംസ്ഥാന പ്രസിഡന്റ് കെ. സുരേന്ദ്രനും സംഘത്തിനുമാണെന്ന് സന്ദീപ് വാര്യര്‍.ബി​ജെ​പി​യി​ൽ താൻ ച​വി​ട്ടി മെ​തി​ക്ക​പ്പെ​ട്ടെ​ന്ന് സ​ന്ദീ​പ് വാ​ര്യ​ർ.കോ​ൺ​ഗ്ര​സ് നേ​താ​ക്ക​ൾ​ക്കൊ​പ്പം ന​ട​ത്തി​യ വാ​ർ​ത്താ​സ​മ്മേ​ള​ന​ത്തി​ലാ​യി​രു​ന്നു സ​ന്ദീ​പി​ന്‍റെ പ്ര​തി​ക​ര​ണം.

സ​ന്ദീ​പ് വാ​ര്യരുടെ പ്രതികരണം…..

എ​ല്ലാ ദി​വ​സ​വും വെ​റു​പ്പ് മാ​ത്രം ഉ​ത്പാ​ദി​പ്പി​ക്കു​ന്നി​ട​ത്ത് സ്നേ​ഹ​വും ക​രു​ത​ലും പ്ര​തീ​ക്ഷി​ച്ച​താ​ണ് തെ​റ്റ്. കേരളത്തില്‍ ഹിന്ദുവും മുസ്ലിമും ക്രിസ്ത്യാനിയും പരസ്പരം ഉപരോധം ഏര്‍പ്പെടുത്തി ജീവിക്കാനാവില്ല എന്ന പോസ്റ്റിട്ടതിന്റെ പേരില്‍ ഒരു വര്‍ഷക്കാലം അച്ചടക്ക നടപടി നേരിട്ടയാളാണ് താന്‍. ഇനി സ്‌നേഹത്തിന്റെ കടയില്‍ ഒരു മെംബര്‍ഷിപ്പ് എടുക്കാനാണ് തന്റെ തീരുമാനം.

ഒ​രു സം​ഘ​ട​ന​യി​ൽ​പ്പെ​ട്ട സ​ഹ​പ്ര​വ​ർ​ത്ത​ക​ൻ എ​ന്ന നി​ല​യി​ൽ താ​ൻ പ്ര​തീ​ക്ഷി​ച്ച പി​ന്തു​ണ, സ്നേ​ഹം, ക​രു​ത​ൽ ല​ഭി​ക്കാ​തെ ഒ​രു സി​സ്റ്റ​ത്തി​ൽ പെ​ട്ടു​പോ​യ അ​വ​സ്ഥ​യി​ലാ​യി​രു​ന്നു താ​ൻ.സ്വ​ന്തം അ​ഭി​പ്രാ​യം പ​റ​യാ​നോ വ്യ​ക്തി​ത്വം കാ​ത്തു​സൂ​ക്ഷി​ക്കാ​നോ ഒ​രു നി​ല​പാ​ട് പ​റ​യാ​നോ സ്വാ​ത​ന്ത്ര്യം പോ​ലു​മി​ല്ലാ​തെ അ​ച്ച​ട​ക്ക ന​ട​പ​ടി നേ​രി​ട്ട​യാ​ളാ​ണ് താ​ൻ. ഒ​രു ഘ​ട്ട​ത്തി​ലും താ​ൻ സം​ഘ​ട​ന​യെ ത​ള്ളി പ​റ​ഞ്ഞി​ട്ടി​ല്ലെ​ന്നും ആ ​സം​ഘ​ട​ന​യ്ക്കു വേ​ണ്ടി സം​സാ​രി​ച്ചി​രു​ന്നു.

കേരളത്തിലുടനീളം നടന്ന് തൊണ്ടപൊട്ടുമാറുച്ചത്തില്‍ ഞാന്‍ സംസാരിച്ചിട്ടുണ്ട്. ചാനല്‍ ചര്‍ച്ചകളില്‍ പല സുഹൃത്തുക്കളുമായും വലിയ തര്‍ക്കത്തിലേര്‍പ്പെട്ടു. അത്രത്തോളം പാര്‍ട്ടിക്ക് വേണ്ടി ഞാന്‍ ആത്മാര്‍ഥമായി ഞാന്‍ പ്രവര്‍ത്തിച്ചു.

ഒ​റ്റ​പ്പെ​ടു​ത്ത​ലും വേ​ട്ട​യാ​ട​ലും മാ​ത്ര​മാ​ണ് ഉ​ണ്ടാ​യ​ത്. താ​ൻ കോ​ണ്‍​ഗ്ര​സി​ലെ​ത്തി​യ​തി​ന്‍റെ ഉ​ത്ത​ര​വാ​ദി കെ. ​സു​രേ​ന്ദ്ര​നാ​ണ്. കേ​ര​ള​ത്തി​ലെ സി​പി​എ​മ്മും മു​ഖ്യ​മ​ന്ത്രി​യു​മാ​യി ചേ​ർ​ന്ന് ന​ട​ത്തു​ന്ന സ​ഹ​ക​ര​ണ രാ​ഷ്ട്രീ​യ​ത്തി​നെ​തി​രെ നി​ല​പാ​ട് എ​ടു​ത്തു​വെ​ന്നാ​ണ് താ​ൻ ചെ​യ്ത കു​റ്റം. ക​രു​വ​ന്നൂ​രും കൊ​ട​ക​ര​യും പ​ര​സ്പ​രം വ​ച്ചു​മാ​റു​ന്നു​വെ​ന്ന​തി​നെ എ​തി​ർ​ത്തു​വെ​ന്നാ​ണ് താ​ൻ ചെ​യ്ത കു​റ്റം. ധ​ർ​മ​രാ​ജ​ന്‍റെ കോ​ൾ ലി​സ്റ്റി​ൽ പേ​രി​ല്ല എ​ന്നാ​താ​ണ് താ​ൻ ചെ​യ്ത കു​റ്റം.