ബിജെപി വിട്ട് സന്ദീപ് വാര്യര്‍ കോണ്‍ഗ്രസില്‍ ചേര്‍ന്നു

പാലക്കാട്: ബി.ജെ.പി നേതൃത്വവുമായി ഇടഞ്ഞ് നില്‍ക്കുന്ന സന്ദീപ് വാര്യര്‍ കോണ്‍ഗ്രസില്‍ ചേര്‍ന്നു. കേരളത്തിന്റെ ചുമതലയുള്ള എ.ഐ.സി.സി സെക്രട്ടറി ദീപാ ദാസ് മുന്‍ഷി, പ്രതിപക്ഷ നേതാവ് വി.ഡി. സതീശന്‍ ഉള്‍പ്പടെയുള്ള നേതാക്കൾ ചേർന്ന് സന്ദീപിനെ സ്വാഗതം ചെയ്തു.

പാ​ല​ക്കാ​ട്ട് കെ​പി​സി​സി വി​ളി​ച്ച വാ​ർ​ത്താ​സ​മ്മേ​ള​ന​ത്തി​ന് എ​ത്തി​യ സ​ന്ദീ​പ് വാ​ര്യ​രെ കെ​പി​സി​സി അ​ധ്യ​ക്ഷ​ൻ  ഷാ​ൾ അ​ണി​യി​ച്ചു സ്വീ​ക​രി​ച്ചു.

പാലക്കാട് ഉപതിരഞ്ഞെടുപ്പുമായി ബന്ധപ്പെട്ടുണ്ടായ തർക്കങ്ങളെ തുടർന്നാണ് സന്ദീപ് വാര്യര്‍ ബിജെപി നേതൃത്വത്തിനെതിരെ പരസ്യമായി രംഗത്ത് വന്നത്. ബിജെപി നേതൃത്വവുമായുള്ള അഭിപ്രായ ഭിന്നത പരസ്യമാക്കിയ സന്ദീപ് ഉപതെരഞ്ഞെടുപ്പ് പ്രചാരണത്തിൽ സജീവമായിരുന്നില്ല.

അതിനെ തുടർന്ന് പാർട്ടിയുമായുണ്ടായ സ്വരച്ചേർച്ച വലിയ വാർത്തയായിരുന്നു. ഇതിനിടക്ക് സന്ദീപ് വാര്യര്‍ സിപിഎമ്മിലേക്ക് ചേക്കേറുമെന്നും റിപ്പോർട്ട് ഉണ്ടായിരുന്നു. സിപിഎമ്മിന്റെ മുതിര്‍ന്ന നേതാവ് എ കെ ബാലന്‍ പരസ്യമായി സന്ദീപ് വാര്യരെ പാർട്ടിയിലേക്ക് സ്വാഗതം ചെയ്യുകയും ചെയ്തിരുന്നു.