പിത്യസഹോദരൻ മൂന്നര വയസുകാരിയെ ലൈംഗികമായി പീഡിപ്പിച്ചു

കൊല്ലം: മൂന്നര വയസുകാരിയെ ലൈംഗികമായി പീഡിപ്പിച്ച കേസിൽ പിത്യ സഹോദരൻ അറസ്റ്റിൽ. കുട്ടി ശാരീരിക അസ്വസ്‌തകൾ പ്രകടപ്പിച്ചതോടെയാണ് സംഭവം പുറത്തുവരുന്നത്. മാതാപിതാക്കൾ ആശവർക്കറെയും പിന്നീട് ചൈൽഡ് ലൈൻ പ്രവർത്തകരെയും അറിയിക്കുകയായിരുന്നു. വൈദ്യ പരിശോധനയിൽ പീഡനത്തിരയായെന്ന് വ്യക്തമായി.തുടർന്ന് നടന്ന കൗൺസിലിങ്ങിലാണ് പിതാവിൻറെ അനുജനാണ് ലൈംഗികമായി പീഡിപ്പിച്ചതെന്ന വിവരം പുറത്തുവരുന്നത്.

കുളത്തുപ്പുഴ പൊലീസിൻ്റെ ചോദ്യം ചെയ്യലിൽ ഇയാൾ കുറ്റം സമ്മതിക്കുകായിരുന്നു.വീട്ടിൽ ആരുമില്ലാത്ത സമയത്തായിരുന്നു അതിക്രമം നടന്നിരുന്നത്. മാതാപിതാക്കൾ ജോലിക്ക് പോകുന്ന സമയത്ത് വീട്ടിൽ കുട്ടി തനിച്ചായിരുന്നു.കഴിഞ്ഞ ആറുമാസത്തിനിടെ നിരവധി തവണ കുട്ടിയെ ലൈംഗിക പീഡനത്തിനിരയാക്കിയെന്നാണ് പൊലീസ് പറയുന്നത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.