അമിതവേഗതയിലെത്തിയ സ്കൂട്ടർ നിയന്ത്രണംവിട്ട് അപകടം; യുവാവിന് ദാരുണാന്ത്യം

കൊല്ലം: അമിതവേഗതയിലെത്തിയ നിയന്ത്രണം വിട്ടുമറിഞ്ഞ സ്‌കൂട്ടറും കാറും കൂട്ടിയിടിച്ചുണ്ടായ അപകടത്തിൽ 19കാരൻ ചെറുവേക്കൽ സ്വദേശി എബിനു ദാരുണാന്ത്യം. അപകടത്തിൻ്റെ സി.സി.ടിവി ദൃശ്യങ്ങൾ പുറത്തുവന്നു.കൊല്ലം ആയൂരിൽ ഇന്ന് രാവിലെ ആയൂർ കശുവണ്ടി ഫാക്ടറിക്ക് സമീപത്താണ് സംഭവം. അമിതവേഗതയിലെത്തിയ സ്‌കൂട്ടർ നിയന്ത്രണം വിട്ട് കാറുമായി കൂട്ടിയിടിക്കുകയായിരുന്നു. പരിക്കേറ്റ എബിനെ ആശുപത്രിയിലെത്തിച്ചെങ്കിലും രക്ഷിക്കാനായില്ല.