ഭാര്യയെ കുത്തി പരിക്കേൽപ്പിച്ചയാൾ പിടിയിൽ

കുണ്ടറ: ഞായറാഴ്‌ച രാവിലെ ഏഴോടെയാണ് ആക്രമണമുണ്ടായത്. അടുക്കളയിൽ ജോലിചെയ്യുകയായിരുന്ന ഭാര്യ സിന്ധുവിൻ്റെ പിന്നിലൂടെയെത്തി കത്തികൊണ്ട് കുത്തുകയായിരുന്നു.ഇടത് വാരിയെല്ല് ഭാഗത്ത് കുത്തേറ്റ സിന്ധു കുണ്ടറയിലെ സ്വകാര്യ ആശുപത്രിയിൽ ചികിത്സ തേടി. പണം നൽകാത്തതിനെ തുടർന്ന് ഭാര്യയെ കുത്തി പരിക്കേൽപ്പിച്ച നാന്തിരിക്കൽ സഞ്ജു ഭവനത്തിൽ സജി (55) യെ കുണ്ടറ പൊലീസ് പിടികൂടി. വിദേ ശത്ത് ജോലിയുള്ള മകൾ അയച്ചുകൊടുക്കുന്ന പണം ആവശ്യപ്പെട്ടത് നൽകാത്തതിനായിരുന്നു ആക്രമണമെന്ന് സിന്ധു പൊലീസിന് നൽകിയ മൊഴിയിൽ പറയുന്നു. കുത്താനുപയോഗിച്ച കത്തി കണ്ടെടുത്തു.