വീട്ടിൽനിന്നിറങ്ങിപ്പോയ പെൺകുട്ടിയെ പീഡിപ്പിക്കാൻ ശ്രമിച്ച ഓട്ടോ ഡ്രൈവർ അറസ്റ്റിൽ

പരവൂർ: കൊല്ലം പരവൂരിൽ പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ച മധ്യവയസ്കൻ അറസ്റ്റിൽ. പരവൂർ മുക്കട ജങ്ഷനിൽ ഓട്ടോ ഡ്രൈവറായ പൂതക്കുളം മുക്കട സ്വദേശി പ്രസന്ന(64)നാണ് പിടിയിലായത്.കഴിഞ്ഞ ദിവസം സ്‌കൂൾ കഴിഞ്ഞ് വീട്ടിലെത്തിയ പെൺകുട്ടി മദ്യ ലഹരിയിൽ അച്ഛൻ അമ്മയെ മർദ്ദിക്കുന്നതാണ് കണ്ട മനോവിഷമത്തിൽ കുട്ടി വീട്ടിൽ നിന്നിറങ്ങിപ്പോയി. കുട്ടിയെ കാണാനില്ലെന്ന് കണ്ട വീട്ടുകാർ സമീപത്തെ വീടുകളിൽ ഉൾപ്പെടെ അന്വേഷിച്ചെങ്കിലും കണ്ടെത്താനായില്ല.തുടർന്ന് സുഹൃത്തായ പ്രസന്നനെ ഫോണിൽ വിളിച്ച് മകൾ പിണങ്ങി പോയെന്നും ഓട്ടോയുമായി പോയി അന്വേഷിക്കാനും ആവശ്യപ്പെട്ടു. എന്നാൽ, ഇരുചക്ര വാഹനത്തിലാണ് പ്രസന്നൻ പോയതും ബസ് സ്റ്റോപ്പിൽ വച്ച് പ്രസന്നൻ കുട്ടിയെ കണ്ടെത്തി. കുട്ടിയുമായി അവിടെ നിന്നും മടങ്ങുന്നതിനിടെ മഴ പെയ്തു. എന്നാൽ, മഴ തോർന്നിട്ട് പോകാമെന്ന് പറഞ്ഞ് ഇയാൾ കുട്ടിയെ തൻ്റെ വീട്ടിലെത്തിച്ച് കടന്നു പിടിക്കുകയും സ്വകാര്യ ഭാഗങ്ങളിൽ സ്‌പർശിക്കുകയുമായിരുന്നു.ഭയന്നോടിയ കുട്ടി വീട്ടിൽ എത്തി അമ്മയോട് വിവരം പറയുകയായിരുന്നു. വിവരമറിഞ്ഞ കുട്ടിയുടെ മാതാപിതാക്കൾ പരവൂർ പോലീസിൽ പരാതി നൽകുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.