കത്വയിൽ സുരക്ഷാ സേനയും ഭീകരരും ഏറ്റുമുട്ടി; ഒരു ഭീകരൻ കൊല്ലപ്പെട്ടു

ശ്രീനഗർ: ജമ്മുകശ്മീരിലെ കത്വ ജില്ലയിൽ സുരക്ഷാ സേനയും ഭീകരരും തമ്മിലുണ്ടായ ഏറ്റുമുട്ടലിൽ ഒരു ഭീകരൻ കൊല്ലപ്പെട്ടതായി സൈന്യം അറിയിച്ചു. സൈന്യത്തിനും പൊലീസിനും ലഭിച്ച രഹസ്യ വിവരത്തെ തുടർന്ന് അഡിഗം ദേവസർ ഭാഗത്ത് നടത്തിയ പരിശോധനയിലാണ് ഭീകരരുടെ സാന്നിധ്യം കണ്ടെത്തിയത്. തുടർന്ന് ഭീകരർ സൈന്യത്തിന് നേരെ വെടിവയ്‌ക്കുകയായിരുന്നു.

സൈന്യത്തിന്റെ പ്രത്യാക്രമണത്തിൽ കൊല്ലപ്പെട്ട ഭീകരന്റെ മൃതദേഹം പിന്നീട് കോഗ്-മാണ്ഡലിൽ നിന്ന് കണ്ടെത്തിയതായി പൊലീസ് പറഞ്ഞു. ഭീകരർക്കായുള്ള തെരച്ചിൽ നടന്നുവരികയാണെന്നും അധികൃതർ അറിയിച്ചു.

നേരത്തെ, കുൽഗാം ജില്ലയിലുണ്ടായ വെടിവയ്പ്പിൽ രണ്ട് ഭീകരരെ സൈന്യം വധിച്ചിരുന്നു. ഏറ്റുമുട്ടലിൽ 5 സൈനികർക്ക് പരിക്കേറ്റു.