ഓണത്തിന് മദ്യക്കച്ചവടം പൊടിപൊടിച്ചു ; കോടികളുടെ വിൽപ്പന

ഉത്രാട ദിനത്തിൽ മലയാളികൾ കുടിച്ചുതീർത്തത് റെക്കോർഡ് തുകയുടെ മദ്യം . ഉത്രാടത്തിന്റന്ന് ശനിയാഴ്‌ച മാത്രം 124 കോടിയുടെ മദ്യം വിറ്റു . കഴിഞ്ഞ തവണ ഇത് 116 കോടിയായിരുന്നു. തിരുവോണത്തിന് ബെവ്‌കോ ഔട്ട്‌ലറ്റുകൾ അവധിയായിരുന്നു .

സംസ്ഥാനത്ത് ഏറ്റവും കൂടുതൽ മദ്യം വിറ്റതിൽ ഒന്നാം സ്ഥാനം കൊല്ലം ആശ്രാമം ഔട്ട്‌ലറ്റിനാണ്. ഇവിടെ 1.15 കോടി രൂപയുടെ മദ്യം വിറ്റു. രണ്ടാമത് കരുനാഗപ്പള്ളി ഔട്ട്‌ലറ്റാണ്. മൂന്നാമത് ചാലക്കുടി ഔട്ട്‌ലറ്റാണ്. ഇവിടെ 1.04 കോടി രൂപയുടെ മദ്യം വിറ്റതായാണ് കണക്ക്.

നാലാം സ്ഥാനത്ത് ഇരിങ്ങാലക്കുട ഔട്ട്‌ലറ്റാണ്. 2023ൽ ഇരിങ്ങാലക്കുട ഔട്ട്‌ലറ്റായിരുന്നു ഉത്രാടദിന മദ്യവിൽപ്പനയിൽ ഒന്നാമത്. 1.06 കോടി രൂപയ്‌ക്കാണ് ഇവിടെ കഴിഞ്ഞ വർഷം മദ്യം വിറ്റത്.