അൽബാഹ പർവ്വതപ്രദേശത്ത് തീപിടുത്തം

റിയാദ് : സൗദി അറേബ്യയിലെ അൽബാഹയിൽ അഖബ പർവ്വത പ്രദേശത്ത് തീപിടിത്തം. വെള്ളിയാഴ്ച വൈകീട്ടോടെയായിരുന്നു പർവതത്തിൽ തീ പടർന്നുപിടിക്കാൻ തുടങ്ങിയത്. കിംഗ് ഫഹദ് റോഡിന് അഭിമുഖമായി ഉണ്ടായ തീപിടുത്തത്തിൽ തീ ഉണങ്ങിയ പുല്ലും മരങ്ങളും വീശിയടിക്കുന്ന കാറ്റും കാരണമാണ് തീ പടർന്ന് പിടിച്ചത് .അതേസമയം അൽബാഹ കിംഗ് ഫഹദ് ചുരം റോഡിനു സമീപം പടർന്നുപിടിച്ച തീ അണക്കാൻ സിവിൽ ഡിഫൻസ് കഠിന ശ്രമങ്ങൾ തുടരുകയാണ് .

ഇതേ തുടർന്ന് അൽബാഹ കിംഗ് ഫഹദ് ചുരം റോഡ് താൽക്കാലികമായി അടച്ചു. യാത്രക്കാരുടെ സുരക്ഷിതത്വം ഉറപ്പുവരുത്തി പിന്നീട്ഇ തുവഴിയുള്ള ഗതാഗതം പുനരാരംഭിച്ചു. അഗ്നിശമന പ്രവർത്തനങ്ങൾക്ക് സിവിൽ ഡിഫൻസിനു കീഴിലെ ഹെലികോപ്റ്ററുകളും ഉപയോഗപ്പെടുത്തുന്നുണ്ട്. അഗ്നിബാധയിൽ ആർക്കും പരിക്കേറ്റിട്ടില്ലെന്ന് സിവിൽ ഡിഫൻസ് അറിയിച്ചു.