ഹിന്ദി ഹൃദയഭൂവിലെ തിരഞ്ഞെടുപ്പ് തോല്‍വിയില്‍ പാര്‍ട്ടിക്ക് ഏറെ നിരാശയുണ്ടെന്ന് സോണിയാ ഗാന്ധി

ഈ സര്‍ക്കാര്‍ ജനാധിപത്യത്തിന്റെ കഴുത്തുഞെരിക്കുകയാണ്. മുമ്പൊരിക്കലും പാര്‍ലമെന്റില്‍ ഇത്രയധികം പ്രതിപക്ഷ അംഗങ്ങളെ സസ്പെൻഡ്‌ ചെയ്തിട്ടില്ല. അതും തികച്ചും ന്യായവും യുക്തവുമായ ആവശ്യം ഉന്നയിച്ചതിന്. ജമ്മു-കശ്മീരുമായി ബന്ധപ്പെട്ട ചില സുപ്രധാന ബില്ലുകള്‍ ഈ സമ്മേളനത്തിൽ പാസാക്കി. ജവാഹര്‍ലാല്‍ നെഹ്‌റുവിനെപ്പോലെയുള്ള മഹത്തായ രാജ്യസ്നേഹികളെ അപകീര്‍ത്തിപ്പെടുത്താന്‍ ചരിത്രത്തെ വളച്ചൊടിച്ച് നിരന്തരം പ്രചാരണം നടത്തുന്നു. പ്രധാനമന്ത്രിയും ആഭ്യന്തര മന്ത്രിയും അതിന് നേതൃത്വംനല്‍കുന്നു. എന്നാലും തങ്ങള്‍ ഭയക്കില്ലെന്നും സത്യം പറയുന്നതില്‍ ഉറച്ചുനില്‍ക്കുമെന്നും സോണിയ പറഞ്ഞു.