ഗ്രീൻ ക്രെഡിറ്റ് പദ്ധതി: വിജ്ഞാപനമിറക്കി കേന്ദ്രം

ഇത്തരം ഭൂമികളില്‍ സ്വകാര്യവ്യക്തികള്‍ക്കും സ്ഥാപനങ്ങള്‍ക്കും വൃക്ഷം നട്ടുവളര്‍ത്താം. വനഭൂമി ഉപയോഗിച്ച്‌ പദ്ധതികൾ ആലോചിക്കുന്ന കമ്പനികൾക്ക് വലിയ സാധ്യതയാണ്‌ ഇത് തുറന്നുകൊടുക്കുന്നത്. വനഭൂമി കൈയേറാൻ വ്യക്തികളെയും സ്ഥാപനങ്ങളെയും ഇത് പ്രോത്സാഹിപ്പിക്കുമെന്ന് വിമര്‍ശനങ്ങളുയർന്നു കഴിഞ്ഞു. ഗ്രീന്‍ ക്രെഡിറ്റ് നേടുന്നത് സി.എസ്.ആര്‍. ഭാഗമാക്കുന്നത് അശാസ്ത്രീയവും വനങ്ങള്‍ നിര്‍വഹിക്കുന്ന പാരിസ്ഥിതിക വശങ്ങളെ പൂര്‍ണമായും അവഗണിക്കുന്നതാണെന്നും വിദഗ്ധര്‍ ചൂണ്ടിക്കാട്ടുന്നു.