മത്സ്യത്തൊഴിലാളികള്‍ക്ക് ഉപജീവനമായി കുട്ടംപേരൂര്‍ ആറ്

ആലപ്പുഴ:മത്സ്യത്തൊഴിലാളികള്‍ക്ക് ഉപജീവന മാര്‍ഗമാകുകയാണ് പുനരുജ്ജീവിപ്പിച്ച കുട്ടംപേരൂര്‍ ആറിലെ വളപ്പ് മത്സ്യകൃഷി. ആറിന്റെ ഇരുകരകളിലായി കഴിയുന്ന മത്സ്യത്തൊഴിലാളി കുടുംബങ്ങള്‍ക്ക് തൊഴില്‍ സാധ്യതയും അതുവഴി വരുമാനവുമാണ് വളപ്പ് കൃഷി കൊണ്ടുവരുന്നത്. ബുധനൂര്‍ പഞ്ചായത്ത് കുട്ടംപേരൂര്‍ ആറിലെ ഉളുന്തി പാലം മുതല്‍ തൂമ്പിനാല്‍ കടവ് പാലം വരെയുള്ള അനുയോജ്യമായ ഏഴ് കേന്ദ്രങ്ങള്‍ കണ്ടെത്തിയാണ് ഫിഷറീസ് വകുപ്പും ബുധനൂര്‍ ഗ്രാമപഞ്ചായത്തും വളപ്പുകളില്‍ മത്സ്യകൃഷി നടപ്പാക്കുന്നത്.