ഗുജറാത്ത് തീരത്ത് 3300 കിലോഗ്രാം മയക്കുമരുന്ന് പിടിച്ചു

പോർബന്തറിൽനിന്ന് 60 നോട്ടിക്കൽ മൈൽ അകലെനിന്ന് ചൊവ്വാഴ്ചയാണ് ഇന്ത്യൻ നാവികസേനയും നർക്കോട്ടിക് കൺട്രോൾ ബ്യൂറോയും ഗുജറാത്ത് പോലീസും സംയുക്ത നീക്കത്തിൽ മയക്കുമരുന്ന് പിടിച്ചത്. 3110 കിലോ ഹഷീഷ്, 158 കിലോ മെതാംഫെറ്റമിൻ, എന്നിവയാണ് കപ്പലിൽ ഉണ്ടായിരുന്നത്. ഹെറോയിനെന്ന് കരുതുന്ന 25 കിലോയുടെ മരുന്നും കണ്ടെത്തി. അന്താരാഷ്ട്ര വിപണിയിൽ 1300 കോടി രൂപ മുതൽ 2000 കോടി രൂപവരെ വിലവരുന്നതാണിതെന്ന് എൻ.സി.ബി. ഡയറക്ടർ ജനറൽ എസ്.എൻ. പ്രധാൻ പറഞ്ഞു.