പാകിസ്താൻ നിർമ്മിത ഡ്രോൺ പിടിച്ചെടുത്ത് അതിർത്തി സുരക്ഷാ സേന

പാകിസ്താൻ നിർമ്മിത ഡ്രോൺ പിടിച്ചെടുത്ത് അതിർത്തി സുരക്ഷാ സേന. പഞ്ചാബിലെ തരൺ തരൺ ജില്ലയിൽ നിന്നാണ് ഡ്രോൺ കണ്ടെടുത്തത്. ഇന്ന് രാവിലെയോടെയായിരുന്നു സംഭവം. പ്രദേശത്ത് ഡ്രോണിന്റെ സാന്നിദ്ധ്യം മനസിലാക്കിയതിനെ തുടർന്ന് സുരക്ഷാ സേനയും പഞ്ചാബ് പോലീസും സംയുക്തമായി നടത്തിയ പരിശോധനയിലാണ് ഡ്രോൺ കണ്ടെത്തിയത്.

ക്വാഡ്‌കോപ്റ്റർ ഇനത്തിൽപ്പെട്ട ഡ്രോണാണ് കണ്ടെത്തിയതെന്ന് അതിർത്തി സുരക്ഷാ സേന പുറത്തുവിട്ട വാർത്താ കുറിപ്പിൽ അറിയിച്ചു.’ ഇന്ന് രാവിലെ 7. 30 ഓടെ പഞ്ചാബിലെ തരൺ തരൺ ജില്ലയിലെ കലാഷ് ഹവേലിയൻ എന്ന ഗ്രാമത്തിന് സമീപത്തായി ഡ്രോണിന്റെ സാമീപ്യം കണ്ടെത്തിയിരുന്നു. തുടർന്ന് നടത്തിയ പരിശോധനയിൽ സമീപത്തെ ഒരു കൃഷിയിടത്തിൽ നിന്നുമാണ് ഡ്രോൺ കണ്ടെത്തിയതെന്ന് ബിഎസ്എഫ്
വാർത്താ കുറിപ്പിൽ അറിയിച്ചു.