ബിഗ് ബോസിലൂടെ എന്റെ ആരാധകരൊക്കെ ഹേറ്റേഴ്‌സായി മാറി; ആ ക്രെഡിറ്റ് എനിക്കാണ്!

മലയാളികള്‍ക്ക് സുപരിചിതയും പ്രിയങ്കരിയുമാണ് ആര്യ.  ബിഗ് ബോസ് മലയാളം സീസണ്‍ 2വിലെ മത്സരാര്‍ത്ഥിയായിരുന്നു ആര്യ. എന്നാല്‍ ബിഗ് ബോസിലൂടെ ആരാധകരെയെല്ലാം ഹേറ്റേഴ്‌സ് ആക്കി മാറ്റിയ ആളാണ് താനെന്നാണ് ആര്യ പറയുന്നത്. മൈല്‍സ്റ്റോണ്‍ മേക്കേഴ്‌സിന് ന്ല്‍കിയ അഭിമുഖത്തിലാണ് ആര്യ തന്റെ ബിഗ് ബോസ് യാത്രയെക്കുറിച്ച് സംസാരിച്ചത്.  ബഡായി ബംഗ്ലാവില്‍ കാണുന്ന ആര്യയല്ല. ബിഗ് ബോസിലേക്ക് ഇത്രയും ആരാധകരുമായി പോയിട്ട് അവരെയെല്ലാം ഒറ്റയടിക്ക് ഹേറ്റേഴ്‌സ് ആക്കി മാറ്റിയ വേറെ ഒരാളുണ്ടാകില്ല.

ആ ക്രെഡിറ്റ് എനിക്കാണ്. ഒരുപാട് ഹേറ്റേഴ്‌സുണ്ടായിട്ടുണ്ട്. അതിന്റെ കാരണം ഇതാണ്. എല്ലാവരും പ്രതീക്ഷിച്ചിരുന്നത് ബഡായി ബംഗ്ലാവിലുണ്ടായിരുന്ന ആര്യയെ ആയിരുന്നു, ആ പൊട്ടി, മണ്ടത്തരമൊക്കെ വിളിച്ച് പറയുന്ന, രമേശ് പിഷാരടിയുടെ പൊട്ടിയായ ഭാര്യ. അതായിരുന്നു ഒറിജിനലുമെന്നാണ് പലരും കരുതിയത്.

ഞാന്‍ രമേശേട്ടന്റെ ഭാര്യയാണെന്നാണ് പലരും കരുതിയതെന്നും ആര്യ പറയുന്നു. ആ ഷോ അങ്ങനെയാണ്. ഒന്നും പ്രവചിക്കാനാകില്ല. ബിഗ് ബോസ് സ്‌ക്രിപ്റ്റഡ് അല്ല. പക്ഷെ നന്നായി എഡിറ്റ് ചെയ്യപ്പെട്ടുന്ന ഷോ ആണ്.  ഞങ്ങളുടെ സീസണില്‍ 24 മണിക്കൂര്‍ ലൈവും ഉണ്ടായിരുന്നില്ല. അപ്പോള്‍ വളരെ ചെറിയ ശതമാനം മാത്രമേ പ്രേക്ഷകരും കണ്ടിട്ടുള്ളു. അതിനാല്‍ പ്രേക്ഷകരേയും കുറ്റം പറയാനാകില്ല. അവര്‍ എന്താണോ കണ്ടത് അതുവച്ചാകും അവര്‍ ജഡ്ജ് ചെയ്തിട്ടുണ്ടാവുകയെന്നും ആര്യ പറയുന്നു.