ഒമാനി വ്യോമാതിർത്തിയിൽ വിമാന ഗതാഗതത്തിൽ വർധനവ്

ഒമാനി വ്യോമാതിർത്തിയിൽ വിമാന ഗതാഗതത്തിൽ വർധനവ്. സിവിൽ ഏവിയേഷൻ അതോറിറ്റി പുറത്തുവിട്ട കണക്കു പ്രകാരം ഒമാനി വ്യോമാതിർത്തിയിലൂടെയുള്ള വിമാന ഗതാഗതം 2025 ജൂണിൽ 18 ശതമാനം വർധിച്ച് 50,101 ആയി. 2024 ലെ ഇതേ കാലയളവിൽ ഇത് 40,417 ആയിരുന്നു. മസ്‌കത്ത് അന്താരാഷ്ട്ര വിമാനത്താവളം വഴി സഞ്ചരിച്ച യാത്രക്കാരുടെ എണ്ണം 2025 ജൂണിൽ 5 ശതമാനം വർധിച്ച് 6,36,090 ആയി.

ജൂൺ മധ്യത്തിൽ സൈനിക സംഘർഷങ്ങൾ മൂലമുണ്ടായ വലിയ പ്രതിസന്ധി മേഖലയിലെ വ്യോമാതിർത്തികളെ ബാ​ധിച്ചിരുന്നു. ഇറാനിലെ ഇസ്രായേലി വ്യോമാക്രമണങ്ങൾ മിഡിൽ ഈസ്റ്റിലുടനീളം വ്യാപകമായ വ്യോമാതിർത്തി അടച്ചുപൂട്ടലുകൾക്കും വിമാന റദ്ദാക്കലുകൾക്കും കാരണമായി. ഇതും ഒമാൻ വ്യോമാതിർത്തിയിൽ വിമാന ​ഗതാ​ഗതം വർധിക്കാൻ കാരണമായി.