നിയമത്താൽ നിയന്ത്രിക്കപ്പെടുന്നു എന്നതുകൊണ്ട് ന്യൂനപക്ഷസ്ഥാപനമല്ലാതാവില്ലെന്ന് സുപ്രീംകോടതി

നിയമത്താല്‍ നിയന്ത്രിക്കപ്പെടുന്ന സ്ഥാപനമാണെന്ന കാരണത്താല്‍ ന്യൂനപക്ഷപദവി ഇല്ലാതാവില്ലെന്ന് സുപ്രീംകോടതി വാക്കാല്‍ നിരീക്ഷിച്ചു. അലിഗഢ് സര്‍വകലാശാലയുടെ ന്യൂനപക്ഷ പദവി സംബന്ധിച്ച കേസ് പരിഗണിക്കുന്ന ഏഴംഗ ഭരണഘടനാബെഞ്ചിന്റേതാണ് നിരീക്ഷണം. ന്യൂനപക്ഷപദവിക്ക്, പൂര്‍ണമായും ആ വിഭാഗത്തില്‍പ്പെട്ടവരാല്‍ ഭരിക്കപ്പെടുന്ന സ്ഥാപനമാവണമെന്ന് ഭരണഘടനയുടെ 30-ാം അനുച്ഛേദത്തില്‍ പറയുന്നില്ലെന്നും ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ച് പറഞ്ഞു. കേസില്‍ ബുധനാഴ്ചയും വാദം തുടരും.