സുഹൃത്ത് മദ്യലഹരിയിൽ പിടിച്ചുതള്ളി; നിലത്തടിച്ചു വീണ് കായികാധ്യാപകന് ദാരുണാന്ത്യം

തൃശൂർ: മദ്യലഹരിയിൽ സുഹൃത്ത് പിടിച്ചു തള്ളി, നിലത്തടിച്ചു വീണ് കായികാധ്യാപകന് ദാരുണാന്ത്യം. പൂങ്കുന്നം ചക്കാമുക്ക് സ്വദേശി 50 കാരനായ അനിൽ ആണ് മരിച്ചത്. ഹരിശ്രീ സ്കൂളിലെ അധ്യാപകനാണ് അനിൽ പൂങ്കുന്നം. സംഭവത്തിൽ സുഹൃത്ത് ചൂലിശേരി സ്വദേശി രാജുവിനെ പൊലീസ് കസ്റ്റഡിയിലെടുത്തു. തൃശൂർ റീജനൽ തിയറ്ററിനു മുമ്പിലാണ് സംഭവം. ഇരുവരും നാടകോൽസവം കാണാൻ വന്നവരായിരുന്നു. അതേസമയം, രാജു മദ്യലഹരിയിലായിരുന്നുവെന്ന് പൊലീസ് പറഞ്ഞു.