ജെസിഐ പാലക്കാട് ഫോർട്ട് ഭാരവാഹികൾ സ്ഥാനമേറ്റു

പുതിയ വർഷത്തേക്കുള്ള ജെ സി ഐ പാലക്കാട് ഫോർട്ടിൻറെ ഭാരവാഹികളുടെ സ്ഥാനാരോഹണച്ചടങ്ങ് ധോണി ലീഡ് കോളേജ് ഓഡിറ്റോറിയത്തിൽ വെച്ച് നടന്നു. പ്രസിഡണ്ട് ലക്ഷ്മിശ്രീ പി അധ്യക്ഷത വഹിച്ച പരിപാടിയിൽ ജെസിഐയുടെ മുൻ അന്തർദേശീയ പ്രസിഡണ്ട് ഷൈൻ .ടി.ഭാസ്കരൻ മുഖ്യാതിഥിയും, ലീഡ് കോളേജ് ചെയർമാൻ ഡോ. തോമസ് ജോർജ്ജ് മുഖ്യ പ്രഭാഷകനുമായിരുന്നു. പുതിയ വർഷത്തേക്കുള്ള പ്രസിഡണ്ടായി പ്രവീൺ എസ് മാധവനും, സെക്രട്ടറി ആർ. വിഷ്ണുശ്രീയും മറ്റു ഭാരവാഹികളോടൊപ്പം സ്ഥാനമേറ്റു.

ജെസിഐ ഇൻറർനാഷനൽ ട്രെയിനിങ് മെൻറ്റർ പദവി ലഭിച്ച പി.സന്തോഷ് കുമാറിനെ ചടങ്ങിൽ ആദരിച്ചു. പുതിയ വർഷം നടപ്പിലാക്കാൻ പോകുന്ന വിവിധ മേഖലകലിലുള്ള പരിപാടികളുടെ ഉത്‌ഘാടനം മുഖ്യാതിഥി നിർവഹിച്ചു. സോൺ വൈസ് പ്രസിഡണ്ട് മുഹമ്മദ് ആഷിഖ് സി .എ, ശബരീഷ് എസ്, സറീന ഹനീഫ, അഭിലാഷ് എ .വി, ജസീല എന്നിവർ സംസാരിച്ചു. വർഷ എസ്. കുമാർ സ്വാഗതവും വിഷ്ണുശ്രീ ആർ നന്ദിയും പറഞ്ഞു.